सुदूरपश्चिम प्रदेश सामयिक राजस्व सङ्कलनसम्बन्धी अध्यादेश, २०८१ लाई प्रतिस्थापन गर्न बनेको विधेयक सर्वसम्मतीले पारित

दिपायल– सुदूरपश्चिम प्रदेश सभाले सुदूरपश्चिम प्रदेश सामयिक राजस्व सङ्कलनसम्बन्धी अध्यादेश, २०८१ लाई प्रतिस्थापन गर्न बनेको विधेयक सर्वसम्मतीले पारित गरेको छ ।

प्रदेशका आर्थिक मामिला मन्त्री बहादुर सिंह थापाले पेश गरेको प्रस्ताव सभामुख भीमबहादुर भण्डारीले सर्वसम्मतीले पारित भएको घोषणा गरे ।

नेकपा माओवादी केन्द्रकी गितादेवी माल, नेपाल कम्यूनिष्ट पार्टी एमालेकी जानकी ऐर बम, एकीकृत समाजवादी पार्टीका नरेशकुमार शाहीले दफाबार छलफलमा भाग लिएका थिए ।

सभामुख भण्डारीले अर्को बैठक घोषणा नभएसम्मका लागि स्थगित भएको सभालाई जानकारी दिए ।