२०७८ जेष्ठ ५, बुधबार
May 19, 2021, Wednesday

जोरायल गाउँपालिकाका दुई मजदुर दिपायलमा अलपत्र

तिर्थराज भट्ट

डोटी- जोरायल गाउँपालिकाका दुई मजदुर दिपायलमा अलपत्र परेका छन् । जोरायलबाट पुर्विचौकी गाउँपालिका सानागाउँका लागि तेलेलेकको बाटो हुँदै पैदल हिडेर दिपायल पुगेका मजदुर अलपत्र परेका हुन् ।

सोमबार जोरायलबाट जंगलको बाटो हुँदै आएका मजदुर मंगलबार शिखर नगरपालिकाको मुडभरा पुगेका थिए । मुडभराबाट पैदल बुधबार (आज) दिपायल सिलगढी नगरपालिका-४ दिपायल पुगेका छन् ।

जोरायल गाउँपालिका वडा नं. ३ का २४ बर्षिय गोपाल विष्ट र ३३ बर्षिय योगेन्द्र साउँद खानेपानीको काम गर्न पुर्विचौकी जाने क्रममा दिपायल पुगेका हुन् । सिनाउँको उपभोक्ता समितिले उनलाई कामका लागि बोलाएको हो ।

तीन दिन देखि पैदल हिडेर आएकाले हिड्न सक्ने अवस्था समेत नरहेकाले आफूहरूलाई गाडिको व्यवस्था गरेर गाउँपालिका सम्म जाने व्यवस्था मिलाई दिन आग्रह गरिरहेका छन् । शिखर समाचारको सम्पर्कमा आएका मजदुर योगेन्द्र साउँदले जंगलको बाटो भौतारिदै भौतारिदै मुडभरा हुँदै पैदल दिपायल पुगेको बताए । उनले भने,’ लकडाउन खुकुलो छ गाडी चलिराछन् भनेर आए आजबाट झन् कडा भएको रहेछ । हामि फर्किन्छौं भन्दा उपभोक्ता समितिका मान्छेले एकचोटी पुगेर जानुस् भन्दैछन् विचबाटो थला परेका छौं । हिड्न सक्ने अवस्था पनि छैन ।’

अलपत्र मजुरले आफुलाई पुर्विचौकी सम्म पुर्याइदिन विभिन्न व्यक्ति संग अनुरोध गरिरहेका छन् । गाडिको व्यवस्था हुन नसके पैदल पुर्विचोकी गाउँपालिका पुग्न अझै दुई दिन लाग्ने साउँदले बताए ।

Related News

भारतलाई तहसनहस बनाएको कोभिडको नयाँ भेरियन्ट नेपालमा पनि फैलिएको पुष्टि
भारतलाई तहसनहस बनाएको कोभिडको नयाँ भेरियन्ट नेपालमा पनि फैलिएको पुष्टि
  • २०७७ बैशाख ३१

काठमाडौं- नेपालमा ‘भारतीय भेरियन्ट’को कोरोना भाइरस फैलिएको पुष्टि भएको छ । भारतलाई तहसनहस बनाएको भेरियन्ट नै नेपालमा फैलिएको पुष्टि हुनु...

८,२०३ संक्रमित थपिए, १९६ जनाको मृत्यु
८,२०३ संक्रमित थपिए, १९६ जनाको मृत्यु
  • २०७७ बैशाख ३१

काठमाडौं- कोरोना भाइरस संक्रमणबाट पछिल्लो २४ घण्टामा १९६ जनाको मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या...

मंगलबार डोटीका थप ६८ जनामा कोरोना पुष्टि
मंगलबार डोटीका थप ६८ जनामा कोरोना पुष्टि
  • २०७७ बैशाख ३१

डोटी- मंगलबारको परीक्षणमा डोटीका थप ६८ जनामा कोरोना संक्रमण पुष्टि भएको छ । जिल्ला अस्पतालको प्रयोगशालामा आरटिपिसिआर परीक्षण गर्दा ५१...

TOP