२०७७ मंसिर १७, बुधबार
December 2, 2020, Wednesday

विदेशबाट फर्किनेको जानकारी दिनेलाई पुरस्कार !

सोलुखुम्बुको थुलुङ दुधकोशी गाउँपालिकाले गाउँमा विदेशबाट फर्किनेको जानकारी दिनेलाई ५ हजार रुपैयाँ पुरस्कार घोषणा गरेको छ ।

टोलटोलमा माइकिङ गरेर गाउँपालिकाले वैदेशिक रोजगारीबाट आएकाको जानकारी दिने व्यक्तिलाई ५ हजार रुपैयाँ नगद पुरस्कार दिने घोषणा गरेको छ ।

वैदेशिक रोजगारीबाट आएका पाँच जनालाई गाउँपालिकाको स्वास्थ्यकर्मीको निगरानीमा सेल्फ होम क्यारेन्टाइनमा राखिएको गाउँपालिका अध्यक्ष असिम राईले जानकारी दिए । प्रत्येक वडामा १५/१५ शय्यासहितको क्वारेन्टाइन र तीन स्थानमा पाँच शय्याको आइसोलेसन कक्ष निमार्ण गरेको उनले बताए ।

गाउँपालिकाले अति विपन्न परिवारलाई खाद्यान्न राहत प्रदान गर्ने निर्णय गरेको छ । गाउँपालिका स्वास्थ्य शाखा प्रमुख उद्धव ढुङ्गानाका अनुसार तीन थान पीपीई, ३ थान गन फर फिवर र केही औषधि रहेका छन् ।

नेचासल्यान गाउँपालिकाले वैदेशिक रोजगारीबाट आएका तीन जनालाई सेल्फ होम क्यारेन्टाइनमा राखेको छ । जिल्लाको अति विकट क्षेत्रमा रहेको महाकुलुङ्ग गाउँपालिकामा वैदेशिक रोजगारीबाट आएका तीन जनालाई सेल्फ होम क्वारेनटाइनमा राखिएको गाउँपालिका स्वास्थ्य शाखा संयोजक हरि आचार्यले जानकारी दिए ।

सोताङ गाउँपालिकाले वैदेशिक रोजगारीबाट आउनेको अवस्था समेत पहिचान गरेको छैन ।

विश्वको सर्वोच्च शिखर सगरमाथा भएको खुम्बु पासाङल्हामु गाउँपालिकाले ९ शय्याको आइसोलेसन कक्ष र ४ वटा क्वारेन्टाइन स्थापना गरेको छ ।

Related News

सचिवालय बैठकको औचित्य छैन : प्रधानमन्त्री ओली
सचिवालय बैठकको औचित्य छैन : प्रधानमन्त्री ओली
  • २०७६ चैत्र १८

काठमाडौं- आन्तरिक विवादमा रुमल्लिएको नेकपा सचिवालयको बैठकमा दुई अध्यक्षबीचको तिक्तता बढ्दो छ। मंगलबारको सचिवालय बैठक पार्टी मुख्यालय धुम्बाराहीमा बस्ने तय भए...

केआईसिंह गाउँपालिकामा राष्ट्रिय जनमोर्चाको संगठन विस्तार : संयोजकमा भट्टराई
केआईसिंह गाउँपालिकामा राष्ट्रिय जनमोर्चाको संगठन विस्तार : संयोजकमा भट्टराई
  • २०७६ चैत्र १८

प्रदेश सरकार शरिरमा भएको गलगाँड डोटी- राष्ट्रिय जनमोर्चाले केआईसिंह गाउँपालिकामा संगठन विस्तार गरेको छ । मंगलबार आयोजना गरिएको गाउँपालिका स्तरीय...

जनताको घरदैलोमा पूर्वमन्त्री बलायर : स्थानीय भन्छन्,‘कम्युनिष्टलाई भोट दिएर पछुतायौं ।’
जनताको घरदैलोमा पूर्वमन्त्री बलायर : स्थानीय भन्छन्,‘कम्युनिष्टलाई भोट दिएर पछुतायौं ।’
  • २०७६ चैत्र १८

डोटी- नेपाली कांग्रसका केन्द्रीय सदस्य तथा पूर्वमन्त्री वीरबहादुर बलायर गृहजिल्ला डोटीको भ्रमणमा छन् । गृहजिल्ला प्रवेस गरेसँगै बलायरले बोगटान फुड्सील...

TOP