२०७९ जेष्ठ १५, आईतवार
May 29, 2022, Sunday

बेलायती राजकुमार प्रिन्सलाई कोरोना संक्रमण

बेलायतका राजकुमार चार्ल्सलाई कोरोना भाइरस पोजिटिभ देखिएको छ । कोभिड–१९ को परीक्षणका क्रममा उनमा पोजिटिभ देखिएको अमेरिकी समाचार संस्था सिएनएनले जनाएको छ ।

कोरोना भाइरसको परीक्षणमा पोजिटिभ देखिएपछि उनी अब स्कटल्यान्डमा एकान्तवास (आइसोलेसन) मा रहेको खबर छ ।

यस सम्बन्धि जानकारी दिँदै क्लारेन्स हाउसले जारी गरेको विज्ञप्तिमा भनिएको छ, ‘प्रिन्स अफ वेल्सको कोरोनाभाइरस परीक्षण सकारात्मक देखिएको छ । उनमा हल्का लक्षणहरू पाइएको तर अरु स्वास्थ्य भने राम्रो रहेको छ । र पछिल्ला केही दिन घरबाटै सधै जस्तै काम गरिरहेका छन् ।’

यसैगरी डचेस अफ कोर्नवालले पनि परीक्षण गराएकोमा उनमा भने नेगेटिभ देखिएको उल्लेख छ । विज्ञप्तिमा भनिएको छ, ‘डचेस अफ कार्नवालको पनि परीक्षण गरिएको छ तर उनमा भाइरस पाइएको छैन । सरकार र चिकित्सकीय सल्लाहमा राजकुमार र डचेस अहिले स्कटल्याण्डको आफ्नै घरमा एकान्तवासमा छन् ।’ परीक्षण एबरडीनशायरमा परीक्षण गरिसकेका थिए। तिनीहरूले परीक्षणको लागि आवश्यक मापदण्ड पूरा गरे।

हालै हप्ताहरुमा गरिएका धेरै सार्वजनिक कार्यक्रमका कारण उनमा भाइरस कसरी सर्यो भन्न नसकिने पनि भनिएको छ ।

Related News

गणतन्त्र स्थापनाको १५ वर्ष – शान्ति प्रक्रियाका बाँकी कार्यभार ज्युँका त्युँ
गणतन्त्र स्थापनाको १५ वर्ष – शान्ति प्रक्रियाका बाँकी कार्यभार ज्युँका त्युँ
  • २०७६ चैत्र १२

काठमाडौं– सङ्घीय लोकतान्त्रिक गणतन्त्र स्थापना भएको आज १५ वर्ष भएको...

TOP