दिसिनपाको कलेनामा अस्थायी प्रहरी पोष्ट स्थापना

डोटी : डोटीको कलेनामा अस्थायी प्रहरी पोष्ट स्थापना भएको छ । जिल्लाको दिपायल सिलगढी नगरपालिका वडा नम्वर ९ को कलेनामा अस्थायी प्रहरी पोष्ट स्थापना भएको हो ।

शानिबार एक कार्यक्रमका बिच दिपायल सिलगढी नगरपालिका प्रमुख मन्जु मलासीले चौकीको उद्घाटन गरेकी हुन् । उद्घाटन कार्यक्रममा डोटीका प्रमुख जिल्ला अधिकारी, डोटी जिल्ला प्रहरी प्रमुख र स्थानिय जनप्रतिनिधिको सहभागीता रहेको थियो ।

प्रहरी चौकी स्थापना भएपछि जिउ धनको सुरक्षा हुने भन्दै स्थानियहरु खुसी भएका छन ।
प्रहरी चौकीको स्थापनाका लागि स्थानियहरुले अनुरोध गरेका र लामो समयको प्रयास पछि चौकी स्थापना गर्न सफल भएको दिपायल सिलगढी नगरपालिकाका प्रमुख मन्जु मालासीले बताईन् ।

हाल चौकीमा ७ जना प्रहरी रहने र आफ्नो भवन बनिसकेपछि १० जना प्रहरीको दरबन्दी रहने जिल्ला प्रहरी कार्यालय डोटीले जानकारी दिएको छ ।