२०७८ असार ८, मंगलवार
June 22, 2021, Tuesday

एक घर एक रोजगारी : उप–प्रमुख रावल

पढाई प्रौढ कक्षा तर स्पष्ट र परिपक्व निर्णय गर्न सक्ने शिखर नगरपालिकाकी उप –प्रमुख धौलीदेवी रावल राजनीतिलाई पेशा मान्दिनन् । उनी आफ्नो पेशा कृषि मान्छिन् । सफल कृषकका रुपमा बिभिन्न कार्यक्रमहरुमा उपस्थित हुँदा गर्दा राजनीतिमा प्रबेश गरेकी उनी स्थानिय तहको निर्वाचन पछि एकाएक फरक भुमिकामा देखा परिन् । जिल्लामा सफल किसानका रुपमा चिनिएकी उनी पछिल्लो समय सफल जनप्रतिनिधीका रुपमा चिनिदै आएकै छिन् । निर्वाचन अघि रावल स्वास्थ्य स्वयम् सेविकाका रुपमा पनि कार्यरत थिइन् । उनै उप –प्रमुख रावलसँग शिखर समाचारले गरेको कुराकानीको सम्पादित अंश !

१ ) उप–प्रमुख ज्यू, शिखर समाचारमा स्वागत छ ।

धन्यबाद !

२) अहिले कता व्यस्त हुनुहुन्छ ?

कोरोना संक्रमण कसरी नियन्त्रण गर्न सकिन्छ भन्नेमै बढी तल्लीन छौं । संक्रमीतको संख्या दैनिक बढीरहेको छ । उहाँहरुको बन्दोबस्त, उपचार तथा स्याहारमा खटिएका छौं । अस्ति १० गतेमात्र निती तथा कार्यक्रम पेश ग¥यौं । चाँडै जनमुखी बजेट सम्पन्न गर्ने गरी वडाहरुबाट योजना छनोट गर्न ब्यस्तता बढेको छ ।

३) जनप्रतिनिधीका रुपमा तपाई आइसकेपछि जनताले के पाए ?

मलाई राजनीतिमा फस्का (गफ) मार्न धेरै आउदैन । तर जनप्रतिनिधीका रुपमा आइसकेपछ गरेका कामहरुको सूची लामो छ । हामिले निर्वाचनका बेला जनतासंग गरिएको प्रतिबद्धता अनुसार काम गरिरहेका छौं । जनाता सँग गरिएका वाचाहरु आफ्नो कार्यकाल भित्र पुरा गर्ने गरी जनाताको सेवामा तल्लिन छौं ।

निर्वाचन अघि शिखर नगरपालिका संरचना बिहीन थियो । केही वडामा मात्र सडक बिस्तार थियो । धेरै बस्ती बिद्युत नभएर अन्धकारमा थिए । शिखरको वडा नं. ११ को मल्लीसात सबैभन्दा बढी पिछडिएको बस्ती मध्य पर्छ । चुनावका बेला त्यहा महिला दिदिबहिनीहरुले सडक, स्वास्थ्य, बिद्यालय र बिद्युत मागेका थिए । त्यस बस्तीमा कलिला उमेरका बहिनीहरु प्रसुतीका लागि स्वास्थ्य चौकी आउदा आउदै बाटोमै बच्चा पाउथे । रुखमा, झाडीमा कतिपयले बच्चा जोगाउन सके, कतिपयले सकेनन् ।

यस्तो परिस्थितीमा हामी निर्वाचीत भएर आयौं । नगरको कुनै संरचना नहुँदा एक बर्ष हामी भाडामा बस्यौं । दोस्रो बर्ष जिल्लाकै नमुनाका रुपमा स्थाइ संरचना बनाएर सेवा प्रदान दिइरहेका छौं । सबै वडामा सडक बिस्तार गरि सक्यौं । नगरबासीलाई छोटोदुरीको यात्राका लागि निकै कष्ट थियो । हामीले आफ्नै नगरबस ल्याएर सुबिधा दिएका छौं । शिखर नपाको वडा नं. ११ मल्लीसातमा निर्वाचनका बेला गरिएको प्रतिबद्धता अनुसार सडक पु¥याइसक्यौ । गतबर्ष माबि बिद्यालयका रुपमा नगरकै लगानीबाट स्तरोन्नती ग¥यौं । पहिलो आर्थिक बर्षको चार महिनाभित्र त्यहाँका महिला दिदीबहिनीका लागि हामीले स्वास्थ्य केन्द्र स्थापना गरिदियौं । अब बिद्युत पु¥याउन बाँकी छ । मल्लीसात र वडा नं. १० को थाप्सा र बनेलेक बाहेक सबै ठाउमा बत्ती पु¥याएका छौं । ती बस्तीमा पनि दशैभित्र बत्ति पु¥याइसक्ने प्रतिबद्धता छ । ५ बिद्यालयका ब्लक बनाएका छौं , बिद्यालयहरुमा गुणस्तरीय शिक्षाका लागि अनिवार्य अंग्रेजी माध्यम सुरु गरेर परिवर्तन ल्याइसकेका छौं ।

४) आगामी आवको लागि के नीति प्रस्तुत गर्नुभएको छ ?

कोरोना संक्रमण न्युनीकरणका लागि बिभिन्न गतिबिधीलाई प्राथमिकतामा राखेका छौं । त्यसपछि भारतबाट शिखरमा झण्डै ५ हजार युवाहरु रोजगारी गुमाएर आउनु भएको छ । उहाँहरु प्रति हामी चिन्तित छौं । त्यसका लागि रोजगारी सृजना कसरी गर्ने भनेर नीतिमा जोड दिइएको छ । कृषि, पशुमा बढी जोड दिएका छौं ।

५) एक घर एक रोजगारीको नारा के हो ?

विकास निर्माणका काम विगतमा उपभोक्ता समिति मार्फत गर्ने गरेका थियौं । मेसिन उपकरणले काम गर्दा स्थानियले खासै काम पाउन सकेका थिएनन् । तर आगामी बर्षमा फरक तरिकाले अघि बढ्छौं । बिकास निर्माणमा एक घरको एक सदस्यलाई सहभागि गराएर दैनिक ज्याला दिने सर्तमा रोजगारी दिने तयारीमा छौं । त्यसबाहेक बिभिन्न सीपमुलक तालिम दिने, उनीहरुलाई स्वरोजगार बनाउने पनि हाम्रो नीतिमा उल्लेख छ ।

६) योजनाहरुमा ब्यापक अनियमीतता भइरहेको गुनासो सुनिन्छ । काममा गुणस्तर पनि छैन । तपाईले कसरी अनुगमन गरिरहनु भएको छ ?

अरु स्थानिय तहमा के भइरहेको छ । मैले जान्ने कुरा भएन । तर मैले अनुगमन कार्य तिब्र पारेकी छु । यस्तै अनियमीतता हेर्न एउटा योजना ४ पटकसम्म अनुगमन गरेकी छु । प्राबिधीकहरुलाई समेत कडाई गरेर वास्तबिक इष्टीमेट गर्न लगाइरहेको छु । वडा नं. १० को खन्नेखोला सडक अनुगमन गरेर फेरी काम गर्न लगाएको मैले नै हो । ३ वटा मोड साघुरो भएकाले गाडी उकालो चढ्दै नचढ्ने रहेछ । फेरी मोडहरु चौडा गराउनुका साथ ग्रेड मिलाएपछि मात्र भुक्तानी गराएकी छु । वडा नं. ६ को पनि एउटा कुलो पुन ः बनाउन लगाए । स्टीमेट भन्दा फरक कुलो बनाइएको थियो । मैले स्टीमेट अनुसार भएन भने भुक्तानी रोकिदिन्छु भनेर फेरी काम गराए । शिखर नपा वडा नं. ८ को ग्वाले देवता मन्दिरको पर्खाल त भत्काउनै लगाए । पर्खाल भत्काएर फेरी बनाएपछि मात्र काम अघि बढ्यो । यी केही घटनामात्र हुन् । म प्राबिधीक मान्छे होइन तर आफुले जानेबुझे जति मैले अनियमीतता रोक्न लगाएकी छु ।

७) न्यायीक समितिको काम कस्तो भइरहेको छ ?

अहिलेसम्म २४ मुद्धा आएका छन् । त्यसमध्य २ सम्बन्ध बिच्छेद भएका घटना थिए । मेरो क्षेत्राधिकारमा नरहेकाले अदालत पठाएकी छु । त्यसबाहेक २२ मुद्धा भने मैले समयमै फैसला गरेकी छु ।

Related News

२१ मन्त्री जिम्मेवारीमुक्त गर्न सर्वोच्चको आदेश
२१ मन्त्री जिम्मेवारीमुक्त गर्न सर्वोच्चको आदेश
  • २०७७ असार २२

काठमाडौं– सर्वोच्च अदालतले मन्त्रिपरिषद् विस्तारको निर्णय तत्काल कार्यान्वयन नगर्न अन्तरिम आदेश गरेको छ। योसँगै २१ जना मन्त्री जिम्मेवारीमुक्त भएका छन्। ...

सेती नदीमा देखिएको शव निकाल्न नसक्दा पुनः बेपत्ता
सेती नदीमा देखिएको शव निकाल्न नसक्दा पुनः बेपत्ता
  • २०७७ असार २२

डोटी – डोटीस्थित सेती नदीमा देखिएको शव निकाल्न नसक्दा पुनः बगेर बेपत्ता भएको छ । आइतबार दिउँसो शिखर नगरपालिका–६ अणिउलस्थित...

सरकारी कार्यालय खोल्ने गरेर कैलालीमा एक हप्ताका लागि लकडाउन थप्ने तयारी
सरकारी कार्यालय खोल्ने गरेर कैलालीमा एक हप्ताका लागि लकडाउन थप्ने तयारी
  • २०७७ असार २२

धनगढी- कैलाली जिल्लामा जारी निषेधाज्ञा पुनः १ हप्ताका लागि थपिने तयारी गरिएको छ। कैलालीका प्रमुख जिल्ला अधिकारी खगेन्द्र रिजालले अझै पनि...

TOP