२०७८ जेष्ठ ५, बुधबार
May 19, 2021, Wednesday

मन्दिर बाहिर दुई वर्षदेखि भिख माग्दै आइरहेको युवक करोडपति

नयाँदिल्ली । भारतीको हरियाणाको अम्बाला क्यान्टको पुरानो अनाज मन्डी मन्दिर बाहिर दुई वर्षदेखि भिख माग्दै आइरहेको युवक करोडपति रहेको पत्ता लागेको छ ।

दुई बहिनीहरूको एक्लो भाई उनी आजमगढका बासिन्दा हुन् । उनको वास्तविक नाम धनञ्जय ठाकुर हो । मन्डी आउने–जाने मानिसहरू उनलाई जटाधारी भन्ने गर्थे ।

उनका बुबा एक ठूलो कम्पनीका एचआर हुन् । शुक्रबार धनञ्जयकी सानी बहिनी नेहा सिंह जब उनलाई लिन लखनउबाट त्यहाँ पुगिन्, तब उनको प्यारो भाई बिछोड भएदेखि मिलेसम्मको कहानी बाहिर आएको छ ।

खासगरी बिहीबार धनञ्जयको खुट्टाबाट रगत बगिरहेको देखेर ‘गीता गोपाल संस्था’का सदस्य साहिलले उसलाई पट्टीको लागि नजिक बोलाए ।

उनलाई सोधे, तिम्रो घर कहाँ हो ? मानसिकस्थिति ठीक नभएका कारणले धनञ्जय आफ्नो घर बताउन सकेनन् । केही याद गरेपछि उनले एक मोबाइल नम्बर बताए ।

उक्त नम्बर आजमगढसँग जोडियो । शिशुपालले फोन उठाए । यसपछि साहिलले धनञ्जयको बारेमा कुराकानी गरे । तब पत्ता लाग्यो की शिशुपाल धनञ्जयका काका थिए ।

उनले नै धनञ्जयको नाम धनञ्जय उर्फ धर्मेन्द्र बताए । धनञ्जय दुई वर्ष पहिले घरबाट गायब भएका थिए । शुक्रबार उनकी बहिनी नेहा उनलाई लिन पुगिन् ।

दाजु मन्दिर बाहिर बसेका थिए । दाह्री र कपाल बढेको थियो । बहिनीलाई देख्ने बित्तिकै धनञ्जयले उनलाई चिने । बहिनीको मुखबाट यतिमात्र आवाज आयो की ‘धर्मेन्द्र तिमीलाई भाईको फोन नम्बर याद थियो, तब दुई वर्ष पहिले फोन गराउन सक्थेउ ।’

नेहाले भारतीय मिडियालाई बताइन् की एक्लो दाजु भएको कारणले धनञ्जय परिवारको एकदमै प्यारो थिए र घमण्डी पनि थिए । उनले ग्रेजुएशन गरेका छन् । उनलाई लागूऔषधको नशा लागेको थियो ।

जसले गर्दा मनस्थिती बिग्रिन पुग्यो र एकदिन घर छाडेर हिँडे । परिवार उनलाई निकै खोजे तर भेट्न सकेनन् । अहिलेसम्म त घरपरिवारको आश मरेको थियो ।

दुई दिन पहिले मात्र नेहाले बुबासँग अब दाजु यो दुनियाँमा छैनन् भनेकी थिइन् । उनले दाजु भेट्न भन्दै बिहीबारे व्रत पनि लिएकी थिइन् । संयोग स्वरुप बिहीबार नै भगवानले दाजुको जानकारी दिएको उनी बताउँछिन् ।

Related News

६१ वर्षिया हजुरआमाले जन्माइन् आफ्नै नातिनी, तर कसरी ?
६१ वर्षिया हजुरआमाले जन्माइन् आफ्नै नातिनी, तर कसरी ?
  • २०७७ भाद्र २३

अमेरिकी राज्य नेब्रास्कामा ६१ वर्षिया महिलाले आफ्नै नातिनीलाई जन्म दिएकी छिन्। उनी आफ्ना समलिंगी छोरा र उनका पतिका लागि सरोगेट...

बलात्कार, हत्या अभियोगी किशोरले खाए तीन जना प्रहरीको जागिर
बलात्कार, हत्या अभियोगी किशोरले खाए तीन जना प्रहरीको जागिर
  • २०७७ भाद्र २३

बलात्कार, हत्या अभियोगी किशोरले खाए तीन जना प्रहरीको जागिर डोटी । बलात्कार, हत्या अभियोगी किशोरका कारण तीनजना प्रहरीले जागिर गुमाउनु...

सांसद दीपक मनाङेकी श्रीमती चोरी मुद्दामा पक्राउ
सांसद दीपक मनाङेकी श्रीमती चोरी मुद्दामा पक्राउ
  • २०७७ भाद्र २३

गण्डकी प्रदेश सांसद राजीव गुरुङ (दीपक मनाङे) की श्रीमतीलाई हेटौंडाबाट प्रहरीले पक्राउ गरेको छ। मंगलबार जिल्ला प्रहरी कार्यालय मकवानपुरले गुरूङकी...

TOP