२०७९ मंसिर २१, बुधबार
December 7, 2022, Wednesday

सुदूरपश्चिमका थप ७५ जनामा कोरोना संक्रमण : संक्रमितको कुल संख्या ५ ,२२४ पुग्यो

सुदूरपश्चिममा आइतबार थप ७५ जनामा कोरोना संक्रमण पुष्टी भएको छ । डडेल्धुरा अस्पतालमा गरिएको ४ सय २० जनाको स्वाव परिक्षण मध्य ३३ र सेती प्रादेशिक अस्पतालको प्रयोगशालामा गसिरएको परिक्षणमा ४२ गरी आइतबार थप ७५ जनामा संक्रमण पुष्टि भएको हो ।

यो संगै सुदूरपश्चिममा कोरोना संक्रमितको कुल संख्या ५ हजार २ सय २४ पुगेको छ ।

डडेल्धुरा अस्पतालका इन्चार्ज इश्वरी प्रसाद भूषालका अनुसार आइतबार डडेल्धुरा अस्पतालमा गरिएको परिक्षणमा सवैभन्दा बढी अछामका २३ जना रहेका छन् । उनका अनुसार अछामको मंगलशैन नगरपालिकाका १७ र पञ्चदेवल विनाय गाउँपालिकाका ६ जनामा संक्रमण पुष्टी भएको छ ।

यसै गरी डडेल्धुराको गन्यापधुरा र अजयमेरु गाउँपालिकाका १र१ गरी दुई जना, बझाङको केदारस्यू गाउँपालिकाका २ र बुङ्गल नगरपालिकाका १ गरी ३ जना, दार्चुलाको मालिकार्जुन नगरपालिकाका १ जना र बैतडीको पाटन नगरपालिकाका २, सर्नुयाँ गाउँपालिकाका १ जना संगै जिल्ला अस्पताल बैतडीमा कार्यरत १ जनामा संक्रमण पुष्टी भएको अस्पतालका इन्चार्ज भूषालले बताए ।

यसै गरी सेती प्रादेशिक अस्पतालको कोरोना प्रयोगशालामा गरिएको परिक्षणमा थप ४२ जनामा कोरोना संक्रमण पुष्टी भएको छ । पछिल्लो २४ घण्टाको अवधीमा गरिएको ४ सय स्वाव परिक्षणमा कैलालीका ३२ र कञ्चनपुरका १० जनामा संक्रमण पुष्टी भएको हो ।

अस्पतालका सूचना अधिकारी दिलिपकुमार श्रेष्ठका अनुसार आइतबार दिउँसो साढे ३ बजे सम्मको विवरण अनुसार संक्रमित हुनेमा कैलालीको घोडाघोडी नगरपालिका १ महिला र ३ पुरुष गरी ४ जना, गोदावरी नगरपालिकाका ५ महिला र १० पुरुष गरी १५ जना, धनगढी उप–महानगरपालिकाका ४ महिला र ४ पुरुष गरी ८ जना, भजनी नगरपालिकाका १ महिला र ३ पुरुष गरी ४ जना, जोशीपुर गाउँपालिकाका १ परुषमा संक्रमण पुष्टी भएको छ ।

यसै गरी आइतबार नै कञ्चनपुरको पुनर्बास नगरपालिकाका २ महिला र ४ पुरुष गरी ६ जना, कृष्णपुर नगरपालिकाका १ महिला र १ पुरुष गरी २ जना र पालिका नछुट्टिएका २ पुरुषमा संक्रमण पुष्टी भएको अस्पतालले जनाएको छ ।

उता डोटी प्रयोगशालामा गरिएको १ सय ३३ स्वाव परिक्षणमा भने सवै नमूनाको नतिजा नेगेटिभ आएको अस्पतालका कोरोना सम्पर्क व्यक्ति उत्तम उपाध्यायले बताए ।

Related News

डोटीमा चितुवा आतंक : एउटै चितुवाको आक्रमणबाट ६ जना घाइते
डोटीमा चितुवा आतंक : एउटै चितुवाको आक्रमणबाट ६ जना घाइते
  • २०७७ भाद्र ७

दिपायल – डोटीमा चितुवाको आक्रमणमा परी ६ जना घाइते भएका...

TOP