नेपालमा कोरोना संक्रमित भेटिएको पुष्टि : टेकु अस्पतालमा उपचार हुँदै

• 

नेपालमा पनि एक जना कोरोना संक्रमित बिरामी भेटिएको पुष्टि भएको छ । कोरोना संक्रमण पुष्टि भएपछि उनको शुक्रराज ट्रपिकल अस्पताल टेकुमा उपचार भैरहेको छ ।

स्वास्थ्य मन्त्री भानुभक्त ढकालले सोमबार आयोजीत पत्रकार सम्मेलनमा १९ वर्षीय युवतीमा कोरोना संक्रमण भेटिएको बताए । ढकालका अनुसार फ्रान्सबाट कतारको दोहा हुँदै गत मंगलबार नेपाल आइपुगेकी ति युवतीमा कोरोना संक्रमण भेटिएको हो ।

कोरोना आशंकामा अस्पताल भर्ना गरिएकी उनलाइ कोरोना संक्रमण भएको पुष्टि भएपछि आइसोलेसनमा राखेर उपचार भइरहेको ढकालले जनाएका छन् ।

नेपालमा उनीसँग भेटघाट भएका व्यक्तिहरुलाई पनि निगरानीमा राखिएको बताइएको छ ।