एक वर्षमा बैतडीका तीन हजार बढी घरधुरीमा विद्युत जडान

बैतडी– नेपाल विद्युत् वितरण केन्द्रले अँध्यारोमा बसेका बैतडीका तीन हजार ४७० वटा नयाँ घरधुरीमा बिजुली जडान गरेको छ । जिल्लामा अब बत्ती बाल्ने कुल घरधुरीको सङ्ख्या २४ हजार ५६५ पुगेको छ ।

करिब २३ हजार घरधुरीमा बत्ती बाल्न बाँकी छ । वितरण केन्द्रले आव २०८१/८२ मा जिल्लाका पञ्चेश्वर गाउँपालिका, शिवनाथ, डिलासैनी, दोगडाकेदार सुर्नया र सिगास गाउँपालिका–१ गरेर तीन हजार ४७० घरधुरीमा विद्युत् जडान गरेपछि बिजुली बाल्ने घरधुरीको सङ्ख्या १४ हजार नाघेको हो ।

छ वटा गाउँपालिका र चार वटा नगरपालिकामा ४९ हजार ४२८ घरधुरी रहेका छन् । २४ हजार ४३५ घरधुरीमा अझै बिजुली पुगेको छैन । बाँकी घरधुरीमा विद्युतीकरण गर्न सिगासको वृन्दावन, दोगडाकेदारको सिल्लेगाडामा ३३ केभी सबस्टेसन निर्माणको काम अन्तिम चरणमा पुगेको छ ।