बानेश्वरमा बम भेटिएको हल्ला : स्थानीय त्रसित

काठमाडौँ – बानेश्वरको सुकुम्बासी बस्तीमा मंगलबार बिहान बम भनी प्रेसर कुकर अज्ञात समूहले राख्दा केहीबेर स्थानीय बासिन्दा त्रसित भएको प्रहरीले जनाएको छ।

बाटोमा राखिएको प्रेसर कुकर बम हुन सक्ने आशंकामा प्रहरीले नेपाली सेनाको बम डिस्पोजल टोलीलाई बोलाएको थियो । सेनाको टोलीले हेर्दा कुकरमा बालुवा मात्रै रहेको पाइएको हो ।

केहीबेर जनजीवन प्रभावित भए पनि अहिले अवस्था सामान्य रहेको प्रहरीले उल्लेख गरेको छ । सो कुकर कसले राखेको हो भन्ने खुलेको छैन ।