डोटी र सिगासका स्थानीयले बनाए सेती नदीमा काठेपुल

दिपायल- डोटी र सिगासका नागरीकले सेती नदीमा काठेपुल निर्माण गरेका छन । गत बर्ष सेति नदीमा आएको बाढीले पुल बगाएपछि पुल पुनःनिर्माणमा कसैले ध्यान नदिँदा स्थानीयहरुले आफैँले काठेपुल निर्माण गरेका छन् ।

बैतडीको सिगास गाउँपालिका वडा नं ६ को भौनेली पातल र डोटीको आदर्श गाउँपालिका बबिना पाङ जोड्ने झोलुंगे पुल बाढीले बगाएपछि स्थानीयबासीहरुले सास्ती भोग्नु परेको थियो । पुल नहुँदा आवत जावतमा समस्या भएसँगै सिगास र डोटीका स्थानीयहरुले मिलेर काठेपुल निर्माण गरिएको स्थानीयले बताएका छन ।