सायलमा जमिन भासिदा दुई तले घर भत्कीयो

डोटी- सायल गाउँपालिकामा जमिन भासिएर दुई तले घर भत्किएको छ । गाउँपालिकाको वडा नं. १ गौराडी गैतोलाका गोरख बहादुर देउवाको घर भत्किएको प्रहरीले जनाएको छ ।

शनिबार घरमुनीबाट जमिन भासिएपछि घरको अगाडीको भित्ता भत्किएको जिल्ला प्रहरी कार्यालय डोटीका सूचना अधिकारी प्रहरी नायव उपरीक्षक इन्द्र बहादुर मल्लले बताए । घरमा क्षति भए पनि मानविय तथा चौपाया क्षति नभएको उनले बताए ।

घटना स्थलमा छपाली अस्थायी प्रहरी पोष्टका प्रहरी साहयक निरीक्षक राम दत्त पन्तको कमाण्डमा टोली खटिएको छ ।