२०७९ जेष्ठ ४, बुधबार
May 18, 2022, Wednesday

मोटरसाइकलको ठक्करबाट बृद्धाको मृत्यु : चालक फरार भएपछि दिपायलमा यातायात बन्द

डोटी- सोमवार राती मोटरसाइकलको ठक्करबाट दिपायलमा एक बृद्ध महिलाको मृत्यु भएको छ । सायल गाउँपालिका घर भै वर्षौं देखि दिपायल सिलगढी नगरपालिका– ४ दिपायल क्षेत्रमा मागेर गुजार चलाउँदै आएकी ७० वर्षीया पिकेश्वरी बिकको मृत्यु भएको हो ।

बिकलाई ठक्कर दिएर मोटरसाइकल चालक फरार रहेपछि स्थानीयले दिपायल बजारमा यातायात बन्द गरेका छन् । मृतकको शव अस्पतालमै रहेको छ । हिजो राती ठक्कर दिएर भागेको मोटरसाइकल चालकलाई प्रहरीले आजसम्म पक्रिन नसकेको भन्दै बाटो बन्द गरिएको हो ।

चालक से ५ ख ९४६९ नम्बरको मोटरसाइकल घटना स्थलमै छोडेर फरार रहेका छन् । उक्त मोटरसाइकल शुवास अधिकारीको नाममा रहेको र चालकको खोजिकार्य जारी रहेको जिल्ला प्रहरी कार्यलय डोटीका सुचना अधिकारी, प्रहरी नायब उपरीक्षक इन्द्र बहादुर मल्लले जानकारी दिए । बाटो खुलाउनका लागि जनप्रतिनिधि प्रहरीले बन्दकर्तासँग छलफल गरिरहेको मल्ले बताए ।

बन्दकर्ताले चालकको खोजिकार्य, आवस्यक कारबाही र क्षतिपूर्तीको माग गदै आएका छन् ।

सोमबार दिउँसो मात्रै दिपायल नजिकै दुइ वटा मोटरसाइकल एकआपसमा ठोक्किंदा ३ जना घाइते भएका थिए ।

Related News

डडेल्धुराका सातवटै पालिकाको अन्तिम परिणाम, एमाले शुन्य
डडेल्धुराका सातवटै पालिकाको अन्तिम परिणाम, एमाले शुन्य
  • २०७७ कार्तिक २५

डडेल्धुरा- अमरगढी नगरपालिकाको प्रमुख र उपप्रमुखमा नेपाली का‌ग्रेस विजयी भएको...

TOP