लगातारको वर्षाले सुदूरपश्चिमको जनजीवन प्रभावित

डोटी – लगातारको वर्षाले सुदूरपश्चिमको जनजीवन प्रभावित भएको छ ।

सुदूरपश्चिममा तराईका कैलाली कञ्चनपुरसहित पहाडी जिल्लाको जनजीवन लगातारको वर्षाका कारण प्रभावित भएको हो । वर्षाले पहिरो जाँदा सडक यातायात सेवा पनि प्रभावित बनेको छ।

खेतमा पाकेर भित्र्याउन तयार धानबाली निरन्तरको वर्षाका कारण भित्र्याउन नपाएर नोक्सान हुन थालेको किसानहरूले बताएका छन्।

धनगढी विमानस्थलका अनुसार हवाई सेवासमेत अनियमित हुन पुगेको छ। कतिपय उडानहरू स्थगित भएका छन्।

बिहीबार बुुद्ध एयरको उडान स्थगित भएको तथा श्री एयरको जहाज अवतरण गर्न नसकेर नेपालगञ्ज अवतरण भएको विमानस्थलले जनाएको छ।