निको भई सकेकामा फेरी कोरोना संक्रमण

 दक्षिण कोरियामा कोरोना भाइरसको संक्रमणबाट मुक्त भएका ९१ जनामा पुन संक्रमण देखिएको छ। त्यहाँका स्वास्थ्य अधिकारीहरुले ठीक भएर फर्किएका ९१ जनाको कोरोना टेस्ट पोजेटिभ देखिएको बताएका छन्।

कोरिया सेन्टर फर डिजीज कन्ट्रोल एण्ड प्रिभेन्सनका अनुसार उनीहरु कसरी दोस्रोपटक संक्रमति भए भन्ने स्पष्ट रुपमा खुलेको छैन।

सेन्टरका निर्देशक जिओङ्ग उन केओङ्गले पत्रकार सम्मेलनमा भाइरस फेरि सक्रिय भएको हुनसक्ने अनुमान गरेका छन्। अन्य जानकारहरुले भने उनीहरुको परीक्षण नै राम्रोसँग नभएको जिकिर गरेका छन्।

विश्व स्वास्थ्य संगठनले पनि यी केसहरुबारे अध्ययन सुरु गरेको द गार्जियनले जनाएको छ।