सडकको पर्खाइमा गोरेटो बाटो बाँझियो :

बालबालिकाहरुलाई विद्यालय पुग्नै सकस

बडीकेदार– मेलघटी आधारभुत विद्यालयका बालबालिका एक देखि दुई घण्टा पैदल हिँडेर विद्यालय पुग्ने गर्दछन् । विद्यालय हाता बालमैत्री भए पनि पैदल हिँड्नेबाटो बाँझिएका कारण विद्यार्थिहरुलाई विद्यालय पुग्नै सकस छ ।

बडीकेदार गाउँपालिका–४ पुन्तडामा रहेको उक्त विद्यालयका ७० जना विद्यार्थिहरु दैनिक पैदल हिँडेर विद्यालय आउने जाने गरेका छन् । विद्यालय आउने बाटो कहीँ भिरालो छ भने कहीँ जङ्गलले घेरिएको छ । पैदल हिँडेर विद्यालय पुग्ने विद्यार्थीहरुलाई दैनिकजसो चोटपटक लागेको हुन्छ ।

विद्यालयलाई बालमैत्री बनाउँनका लागि ग्रामिण सामुदायिक विकास केन्द्रले युएमएनको आर्थिक सहयोगमा परियोजना नै सञ्चालन गरेको छ । परियोजनाले बालबालिकाको गुणस्तरीय सिकाईसँगै वालमैत्री कक्षा कोठा व्यवस्थापन, सरसफाई, स्वास्थ्यलाई मध्यनजर गर्दै बालमैत्री विद्यालय बनाउन कार्यक्रम लागु गरेको कार्यक्रम संयोजक दिनेश बमले बताए । विद्यालय हाता भित्र बालमैत्री कार्यक्रम सञ्चालन भए पनि विद्यार्थीहरु घर देखि विद्यालय सम्मकोबाटो हिँड्दा असुरक्षित रहेको उनको भनाईछ ।

मानिस हिँड्ने पुरानोबाटोहरु बाँझिदै गएपछि बालबालिकालाई हिँड्नै सकस हुने गरेको विद्यालयका प्रधानाध्यापक मान बहादुर जेठाराले बताए । ‘पहिला मानिस हिँड्ने बाटो सुधारका कार्यक्रमहरु आउँथ्ये , स्थानीयहरुले आफै पनि बाटो काट्ने गरेका थिए,‘उनले भने,‘ अहिले सडकको माग बढेको छ । सडकको पर्खाइमा स्थानीयहरुले बाटो सुधार गर्नै छोडका छन् । हाम्रा विद्यार्थीहरु दैनिक चोट पटक लागेर विद्यालय पुग्ने गरेका छन्, आज पनि एक जना विद्यार्थीलाई चोट लागेको छ ।’

अभिभावकहरुले बालबालिकाहरुलाई विद्यालय पु¥याउने लैजाने कार्य नगर्दा विद्यार्थीहरु झनै जोखिममा रहेको शिक्षकहरु बताउँछन् । विद्यालयको अनुगमनमा गएको जिल्ला परियोजना सल्लाहकार समितिले बालबालिकाका लागि विद्यालय मात्रै बालमैत्री भएर नपुग्ने बताए । बालबालिका घर देखि विद्यालय सम्म र विद्यालय देखि घर सम्म सुरक्षित हुने पर्ने र बाटो देखि घर पनि बालमैत्री हुनुपर्ने अनुगमनकर्ताले बताए ।

सडकको पर्खाइमा हिड्ने बाटो बाँझियो

बडीकेदारकारका प्रत्येक वडाहरु सडक सञ्जालनले छोएको छ । केही टोलहरु र विद्यालय सडक सञ्जालले जोड्न सकेको छैन । विद्यालयबाट टाढा–टाढाको दुरीमा रहेका पुन्तलाका टोलहरुबाट विद्यालय पुग्न पैदल नै हिँड्नु पर्दछ । स्थानीयहरुले पुराना बाटोहरु सुधार गर्न छोडेर सडकको पर्खाइ गर्दै आएका छन् ।

केही वर्षमै सडक आइहाल्छ भन्ने आशाले स्थानीयले गोरेठो बाटोहरु सुधार गर्न छोडिसकेको विद्यालय व्यवस्थापन समितिका अध्यक्ष हरिष जेठारा बताउँछन् । विद्यालय आउनेबाटो मात्रै नभएर घाँस दाउरा, बन जङ्गल, खेतबारी, स्वास्थ्य चौकी जानेबाटोहरु समेत बाँझिदै गएको उनले बताए । विद्यालय पुग्ने सडक नहुँदा प्रदेश सरकारको लगानीमा बनिरहेको विद्यालय भवनको काम समेत रोकिएको छ । निर्माणको जिम्मा लिएका व्यक्तिले ढुवानीको समस्या देखाउँदै निर्माण कार्य रोकेको स्थानीयको गुनासो छ ।

स्थानीय सरकारको पहलमा गाउँपालिकाका प्रत्येक वडाका केन्द्रहरु, स्वास्थ्य चौकी लगायतका ठाउँहरुमा सडक सञ्जाल विस्तार भएको गाउँपालिकाका उपाध्यक्ष इन्द्रा भाँट बोहराले बताइन् । गाउँपालिकाका सबै टोल र विद्यालय, स्वास्थ्य संस्थाहरु सडक सञ्जाले जोड्ने प्रयास भैरहेको उनको भनाई छ । हामिले अतिआवस्यक सबै क्षेत्रमा सडक पु¥याउने लक्ष लिएका छौं,‘उनले भनिन्,‘विकास एकै पटक कायापलट हुने हाईन विस्तारै हुने हो । तत्कालका लागि स्थानीयले आफु हिँड्ने बाटोहरु सुधारका लागि पहल गर्नु प¥यो । ‘सडकको योजनाहरु टोलभेलाबाट अत्याधिक आउँछन् तर बाटो सुधार जस्ता योजना माग नै हुँदैनन् । समस्या भएका ठाउँमा माग भए अनुसार हामी अब बाटो सुधारका कार्यत्रम पनि राख्छौं,‘ उनले थपिन् ।’