२०८१ जेष्ठ ३१, बिहीबार
June 13, 2024, Thursday

शिखर – २ मा व्यवसायिक पुष्प खेती गरिने



दिपायल – शिखर नगरपालिका का स्थानीयहरूले व्यवसायिकरूपमा पुष्प खेती गर्ने भएका छन् । नगरपालिकाको वडा नम्बर २ अन्तर्गतका स्थानीयहरूले व्यवसायिक पुष्प खेती गर्ने लक्ष सहित तालिम लिएका छन् ।

आईतबार वडाका ४५ जना कृषकहरुलाई पुष्प खेती सम्बन्धी एक दिने आधारभूत तालिम दिइएको वडाध्यक्ष गणेश बोगटीले बताए ।

शिखर नगरपालिकाको समन्वयमा कृषि ज्ञानकेन्द्र र कृषि विकास निर्देशनालयको सहयोग तथा वडा कार्यालयको आयोजनामा तालिमको आयोजना गरिएको हो । कृषि विकास निर्देशनालयले कृषकहरुलाई बीउ र आबस्यक सामग्रीहरू उपलब्ध गराउने छ ।

जिल्लामा पुष्प व्यवसायको सम्भावना प्रचुर रहेको नगर प्रमुख दीर्घ बहादुर बलायरले बताए । फूलको अभावमा आयातित प्लास्टिकका फूल, खादा लगायतका सामग्रीमा लगानी बाहिरिएको बताउँदै उनले स्थानीय उत्पादन र व्यवसायिलाई नगर सरकारले जोड दिने बताए ।  स्थानीय उत्पादन मुलक व्यवसायिक खेती गर्ने  कृषकहरुलाई नगरले  सहयोग गर्दै आएको उनले बताए ।

फूल उत्पादन पछि बजारीकरणको व्यवस्थापन रैका ट्राभल्स एन्ड टूरले गर्ने प्रबन्धक अमर बहादुर शाहीले बताए ।

Related News

टिकटक लगायत कुनैपनि सामाजिक सञ्जालसँग हाम्रो आपत्ति छैन, तर नेपालको नेपालको कानुन र सामाजिक मान्यता मान्नुपर्छ: मन्त्री शर्मा
टिकटक लगायत कुनैपनि सामाजिक सञ्जालसँग हाम्रो आपत्ति छैन, तर नेपालको नेपालको कानुन र सामाजिक मान्यता मान्नुपर्छ: मन्त्री शर्मा
  • २०८१ जेष्ठ २७

काठमाडौं– सञ्चार तथा सूचना प्रविधिमन्त्री रेखा शर्माले नेपाली कानुनअनुसार समाजलाई...

TOP