२०७८ माघ ३, सोमबार
January 17, 2022, Monday

खप्तड हेलीटुर: ३ सय पर्यटकलाई खप्तड घुमाउने योजना

कैलाली – चिसोमा हिउ खेल्न सुदूरपश्चिमको प्रमुख पर्यटकिय गन्तव्य खप्तडमा तिन सय पर्यटक भित्राउने योजना सहित भिजिट खप्तड हेलि टुर अभियान सुरु गरिने भएको छ । कोभिडले थला परेको पर्यटकिय क्षेत्र केही भएपछि चलायमान गराउन भिजिट खप्तड हेलि टुर अभियान सुरु गरेको हो ।

बझाङ, बाजुरा, डोटी र अछाम जिल्लाको संगमस्थलका रूपमा रहेको सुदूरपश्चिम प्रदेशको प्रमुख पर्यटकीय गन्तव्य खप्तड १४ गतेदेखि घुमाईने भएको छ । पैदल र सडक मार्ग हुँदै खप्तड जाने अवस्था नभएपछि खप्तड होमस्टे झिग्रानाले हेलिकप्टर मार्फत खप्तड पुगाउने र त्यहाँ रमाउने प्याकेज ल्याईएको हो । आज धनगढीमा पत्रकार सम्मेलनको आयोजना गर्दै होमस्टेका प्रवन्ध निर्देशक दीपक कुमार खड्काले माघ १४ गते देखि १८ गते सम्म हेलिकप्टरमार्फत खप्तड पुग्ने व्यवस्था गरिएको जानकारी दिए ।

पाँच दिनमा तीन सय पर्यटकलाई खप्तड पुगाउने योजना रहेको खड्काले बताए । दिपायल–खप्तड–दिपायल १० हजार, झिग्राना–खप्तड–झिग्राना ८ हजार ९सचारकर्मीको लागि सात हजार०, धनगढी– खप्तड–धनगढी ३० हजार खर्च लाग्ने बताईएको छ । धनगढी – दिपायल ९प्लेन०, दिपायल खप्तड हेलिकप्टर दुवै तर्फ २१ हजार ५ सय, धनगढी–दिपायल स्थलमार्ग ९बुकिङ गाडी० दिपायल –खप्तड हेलिकप्टर १५ हजार खर्च लाग्ने प्याकेज रहेको छ ।

२२ वटा पाटन तथा त्यहाँको सौन्दर्यले खप्तड भूस्वर्गझैं लाग्छ । खप्तड बाबाले तपस्या गरेको पवित्र ठाउँ भएकाले खप्तड प्राकृतिक दृष्टिले मात्र नभई, धार्मिक र पर्यटकीय हिसाबले समेत उपयुक्त गन्तव्यका रूपमा परिचित छ । खप्तडले हिउँको घुम्टो पाएपछि झनै अलौकिक देखिन्छ । समुद्र सतहबाट ३ हजार मिटर उचाइमा रहेको खप्तड क्षेत्रको क्षेत्रफल २ सय २५ वर्ग किलोमिटर क्षेत्रफलमा फैलिएको छ । खप्तड पुसको मध्यदेखि नै सेताम्मे हिउँले ढाकिन्छ भने जेठदेखि असारसम्म विशाल फाँटहरूमा रंगीचंगी फूलले ढाकिन्छ । खप्तडमा यो हिउँदमा दुईपटक हिमपात भईसकेको छ ।

Related News

पर्यटनमन्त्री आलेलाई कोरोना संक्रमण
पर्यटनमन्त्री आलेलाई कोरोना संक्रमण
  • २०७७ माघ ५

काठमाडौँ — संस्कृति, पर्यटन तथा नागरिक उड्डयनमन्त्री प्रेमबहादुर आलेलाई कोरोना संक्रमण भएको छ । मन्त्री आलेलाई कोरोना संक्रमण भएको उनको...

डोटीमा संक्रमण नियन्त्रण फितलो
डोटीमा संक्रमण नियन्त्रण फितलो
  • २०७७ माघ ५

डोटी – भारतबाट घर फर्कने क्रममा केआईसिंह गाउँपालिका–६ का वीरभान तिरुवा (नाम परिवर्तन) को महाकाली अस्पताल कञ्चनपुरमा एन्टिजेन परीक्षण भयो ।...

दूधको मूल्य लिटरमा १० रुपैयाँ बढाउन सिफारिस
दूधको मूल्य लिटरमा १० रुपैयाँ बढाउन सिफारिस
  • २०७७ माघ ५

काठमाडौं – राष्ट्रिय दुग्ध विकास बोर्डले दूधको मूल्य लिटरमा १० रुपैयाँ बढाउन कृषि तथा पशुपन्छी विकास मन्त्रालयमा सिफारिस गरेको छ...

TOP