बुबाको मुख हेर्ने दिन (पिता दिवस)

बुवाको मुख हेर्ने दिन कुशे औंसि पनि ।
बुबाको सम्मान गर्छन जिवित देउता भनि ।।

मातापिता ईश्वर समान धर्म शास्त्र भन्छ ।
माता पिता सेवा गरे जीवन सार्थक बन्छ ।।

सबैका आदर्श वुवा उनकै मुख हेर्ने ।
जन्म दिने वुवालाई सेवा सत्कार गर्ने ।।

जन्म दिने कर्म दिने लालन पालन गर्ने ।
सन्तानका दुःख दर्द सबै जसो हर्ने ।।

बुवाको रिसमा स्नेह गालीमा आफ्नो पन ।
सन्तानको हित सोच्ने महान बा को मन ।।

सन्तानको मान सम्मान पहिचान हुन पिता ।
पितालाई भगवान मान्नु ज्ञान दिन्छ गीता।

हात समाई हिड्न सिकाई को खाई भन्दै ख्वाउने ।
छोरा छेरी सफा राख्न बुवा आफै न्वाउने ।।

सन्तान विरामी भए कति चिन्ता लिन्छन ।
के खान्छ घटाउन ज्वरो पानी पट्टि दिन्छन ।।

शिप सिकाई स्कुल पठाई सक्षम बनाउँछन ।
सन्तान हौसला दिन कहानी सुनाउँछन ।।

सबै धर्म समुदाय पिता दिवस मान्छन ।
पिताको मुख हेर्ने दिन सम्मान दिन जान्छन ।।

मिष्ठान फलफूल लुगा उपहार दिन्छन ।
बुवाको चरण ढोगी आर्शिवाद लिन्छन ।।

पिता र सन्तान बिचको बन्धन दरो गर्न ।
यो दिन मलम बन्छ दुःख दर्द हर्न ।।

यो दिनमा मिष्टान फल उपहार दिन्छन ।
वुवाको चरण ढोगी आर्शिबाद लिन्छन ।

मुख हेर्ने दिनले अझ सम्वध बनाउँछ ।
बुवा सन्तान मिलनले सदभाव जनाउँछ ।।

मेटिन्छ तिक्तता मनका कैले चित्त दुःखे।
पिताजी हर्षले गद्गद् सन्तान भेटन पुगे ।।

सन्तानमा आफ्नो भलाई भविष्य देख्दछन ।
सन्तानलाई विपत्ति परे आफु गई छेक्दछन ।।

सन्तानको उन्नतिमा आफ्नो सुख देख्ने ।
आफुले सहेर पिडा सबै बाधा छेक्ने ।।

मेरा सन्तान शिक्षित बनि वैभव शाली बनौन ।
उन्नतिको शिखर चुमि सबले आहा भनौन ।।

बुढेशकालको लाठी बनौन जीवनको सहरा ।
अटुट सम्बन्ध बनोस प्रेमको लहरा ।।

यो दिनले संवन्ध अझ प्रगाढ़ बनाउछ ।
सन्तानका संग वसि सद्भाव जगाउंछ ।

ईश्वर भन्दा ठूला पिता धर्ति भन्दा माता ।
घाम पानी रक्षा गर्ने पिता बन्छन छाता ।।

जीवित पिताको सम्मान मृतक भए तर्पण ।
पिताले दिएको जीवन उनको सेवा अर्पण ।।

पिताको ऋणलाई तिर्न उनको सेवा गरौं ।
सेवा गरि सुखी पारी उनका दुःख हरौं ।।