२०७८ असार ८, मंगलवार
June 22, 2021, Tuesday

भारतबाट ११ दिनअघि नेपाल फर्केका युवकको मृत्यु : गाउँमा शोक र त्रास

डोटी- भारातबाट ११ दिनअघि नेपाल फर्केका युवकको मृत्यु भएको छ । डोटीको दिपायल सिलगढी नगरपालिका–१ घटाली गाउँका ३४ वर्षीय हरिलाल जोशीको मृत्यु भएको हो ।

भारतको गुजराँत बाट फर्केका उनमा सामान्य स्वास्थ्य समस्या देखिएको र एक्कासी छटपटाएर मंगलबार आफ्नै घरमा निधन भएको स्थानीयले बताए । मृतक जोशी भारतबाट आए देखि घरको तल्लो तला (गोठ)मा बस्दै आएका थिए । उनको मृत्युको भने खुल्न सकेको छैन ।

भारतको अस्पतालमा शनिबार मात्रै उनका दाजु सिताराम जोशीको कोरोनाका कारण मृत्यु भएको मृतकका आफन्तले जानकारी दिए । मृतक जोशीको भोली सम्म दाहसंस्कार गर्ने तयारी भएको छ । दाजु वितेको केही दिनमा भाइको निधन हुँदा पुरै गाउँ शोकमा डुबेको छ । परिवारका सदस्य भावविहोल छन् ।

भारतमा उनका दाजुको निधन कोरोनाका कारणले भएको भन्ने हल्लाले शोकसँगै गाउँमा त्रास बढेको छ । शव व्यवस्थापन देखि परिवारका सदस्यहरुलाई सम्हालन स्थानीयलाई निकै समस्या भएको छ । मृत्युको कारण नखुलेकाले कोरोनाको संकामा स्थानीयहरु त्रसित भएकाछन् ।

घटना स्थलमा प्रहरीको टोली पठाइएको जिल्ला प्रहरी कार्यालयका सूचना अधिकारी प्रहरी नायव उपरीक्षक इन्द्रबहादुर मल्लले जानकारी दिए । स्वास्थ्य कार्यालयसँग पछिल्लो समय भारतबाट आएका व्यक्तिहरुको तथ्याङ्क समेत छैन । उनिहरुको स्वाव परीक्षण समेत हुन सकेको छैन । पछिल्लो समय मृत्यु पछि स्वाव परीक्षण नगर्ने मन्त्रालयको निर्देशन रहेको स्वास्थ्य कार्यालयका निमित्त प्रमुख तेजबिक्रम शाहीले बताए । भारतबाट आउदा बाउडरमा चेक गरेर आउनुपर्ने हो तर लुकिछिपि धेरै मान्छे आउने गरेका कारण समस्या निम्तिएको उनले बताए ।

आइतबार पनि भारतबाट फर्केर अस्पताल भर्ना भएका आदर्श गाउँपालिकाका एक जनाको मृत्यु भएको थियो । एकहप्ता अघि भारतबाट नेपाल फर्केका उनको शैलेश्वरी अस्पतालमा निधन भएको हो ।

Related News

असार मसान्तकै बीच पूर्वीचौकी गाउँपालिकामा ताला
असार मसान्तकै बीच पूर्वीचौकी गाउँपालिकामा ताला
  • २०७८ बैशाख ७

डोटी – असार मसान्तकै बीच पूर्वीचौकी गाउँपालिकामा ताला लगाइएको छ । गाउँपालिकाका अध्यक्षले खेलकुद बजेट आफू निकटका व्यक्तिलाई दिएको आरोप...

२१ मन्त्री जिम्मेवारीमुक्त गर्न सर्वोच्चको आदेश
२१ मन्त्री जिम्मेवारीमुक्त गर्न सर्वोच्चको आदेश
  • २०७८ बैशाख ७

काठमाडौं– सर्वोच्च अदालतले मन्त्रिपरिषद् विस्तारको निर्णय तत्काल कार्यान्वयन नगर्न अन्तरिम आदेश गरेको छ। योसँगै २१ जना मन्त्री जिम्मेवारीमुक्त भएका छन्। ...

सेती नदीमा देखिएको शव निकाल्न नसक्दा पुनः बेपत्ता
सेती नदीमा देखिएको शव निकाल्न नसक्दा पुनः बेपत्ता
  • २०७८ बैशाख ७

डोटी – डोटीस्थित सेती नदीमा देखिएको शव निकाल्न नसक्दा पुनः बगेर बेपत्ता भएको छ । आइतबार दिउँसो शिखर नगरपालिका–६ अणिउलस्थित...

TOP