२०७७ मंसिर १७, बुधबार
December 2, 2020, Wednesday

‘बहुगुणी–२’ धानमा बाला लागेन, सरकारबाटै ठगिएको किसानको गुनासो

भानुभक्त आचार्य/ धनगढी 

अनलाइन खबर – कैलाली गौरिगंगा नगरपालिका-९ का किसान घनश्याम पौडेलले यसअघि कृषि प्राविधिककै सल्लाहमा गरिमा जातको धानको बिउ लगाएका थिए । त्यो वर्ष गरिमा जातको धानको बिउ लगाएका पौडेलसहित हजारौँ किसानहरू मर्कामा परे ।

यस वर्ष भने उनले गरिमाको विकल्पमा ‘बहुगुणी–२’ धान खेती गरे, कृषि प्राविधिककै सल्लाहमा । तर पौडेल अहिलेदेखि नै चिन्तामा छन् । वरिपरिका खेतमा धानका बाला झुलिसक्दा पनि उनको खेतमा अझै बाला लागेको छैन ।

गौरिगंगा नगरपालिकाको कृषि शाखाले वितरण गरेको बहुगुणी–२ जातको धानको बीउ ५० प्रतिशत अनुदानमा पौडेलले लिएर आएका थिए । उनले ८ कठ्ठामा लगाएको धानमा अझै बाला लागेको छैन ।

‘कृषि शाखाले नै बाँडेको धान लगाएका हौँ । यस पटक त धान फल्दैन जस्तो छ,’ उनले भने, ‘अझैसम्म बाला नलाग्दा हामी चिन्तित छौँ ।’

पौडेलले लगाएको बहुगुणीमा बहुरंग देखिएको छ । कुनै भर्खर बाला लाग्दै छ । कतै बाला लागेको छैन । कतै पाक्दै छ । ‘हामीले एकैदिन एकैठाउँबाट ल्याएर लगाएका हौँ कसरी मिश्रित भयो ?’ उनले भने, ‘एउटै बिउमा पनि पनि फरक–फरक विशेषता देखियो ।’

पौडेललाई भन्दा धेरै पिर गौरिगंगा नगरपालिका ९ शंकरपुरका भान बहादुर ठगुन्नालाई छ । उनले नजिकैका स्थानीय चक्र बहादुर ताडीको डेढ बिघा जग्गा ठेक्कामा लिएर बहुगुणी–२ जातको धान लगाएका थिए । अहिलेसम्म धानमा बाला लागेको छैन । ‘कृषि शाखाले दिएको बिउ राम्रो नहोला कि भनेर शंका नै गरिएन,’ उनले भने, ‘तर हामी सरकारबाटै ठगियौँ ।’

गौरिगंगामा मात्रै होइन, घोडाघोडी नगरपालिकामा पनि सयौँ किसानहरूले अहिलेसम्म धानमा बाला नलागेको गुनासो गरेका छन् ।

पुरा समाचार पढ्नुहोस्

Related News

सुदूरपश्चिम प्रदेशको बजेट खर्च र राजस्व संकलन बढ्यो
सुदूरपश्चिम प्रदेशको बजेट खर्च र राजस्व संकलन बढ्यो
  • २०७७ भाद्र ३०

कैलाली- चालू आर्थिक वर्षको प्रथम चौमासिक अवधिमा सुदूरपश्चिम प्रदेश सरकारको बजेट खर्च गत आवको सोही अवधिको भन्दा बढेको छ ।...

सुदूरपश्चिम प्रदेशका मुख्यमन्त्रीको कोरोना ‘विर्साउने’ सभा
सुदूरपश्चिम प्रदेशका मुख्यमन्त्रीको कोरोना ‘विर्साउने’ सभा
  • २०७७ भाद्र ३०

डोटी– खुल्ला चौरमा भीमकाय ‘टेन्ट’ गाँडेर आकर्षक मञ्च तयार पारिएको छ । जहाँ आलिसान सोफा, रोष्टम, टेबल र कुर्सीहरुको प्रबन्ध...

केआईसिंह गाउँपालिकामा अस्पताल निर्माण गर्न ९ रोपनी जग्गा दान
केआईसिंह गाउँपालिकामा अस्पताल निर्माण गर्न ९ रोपनी जग्गा दान
  • २०७७ भाद्र ३०

डोटीः डोटीमा अस्पताल निर्माण गर्न स्थानीयले जग्गा दान गरेका छन्।  जिल्लाको के.आई.सिंह गाउँपालिका वडा नम्बर ४ मा १० शैयाको अस्पताल निर्माणका...

TOP