२०७८ श्रावण १७, आईतवार
August 1, 2021, Sunday

भोली जिल्लाभर डोटी कांग्रेसले कार्यक्रम गर्दै : कुन स्थानीय तहमा कस्ले सम्बोधन गर्ने

डोटी- नेपाली कांग्रेस डोटीले बिहीबार जिल्लाका सबै स्थानीय तहहरुमा कार्यक्रम गर्ने भएको छ । ४५औं राष्ट्रिय एकता र मेलमिलाप दिवसका अवसरमा जिल्लाका नौ वटै स्थानीय तहहरुमा कार्यक्रम तय गरिएको कांग्रेसले जनाएको छ ।

विभिन्न स्थानीय तहको कार्यक्रमका लागि प्रतिनिधि समेत तोकेको नेपाली कांग्रेस डोटीका सचिव नारायण जोशीले बताए । जोशीका अनुसार आदर्श गाउँपालीकामा केन्द्रीय सदस्य तथा पूर्वमन्त्री वीरबहादुर बलायरले सम्बोधन गर्ने कार्यक्रम रहेको छ । शिखर नगरपालिकामा प्रदेशसभा सदस्य भरत बहादुर खड्काले सम्बोधन गर्ने कार्यक्रम तय भएको छ ।

पार्टी सभापती प्रदिप कुमार देउवाले पूर्वीचौकी गाउँपालिकाको कार्यक्रम सम्बोधन गर्ने छन् भने पार्टी सचिव नारायण जोशीले दिपायल सिलगढी नगरपालिकाको कार्यक्रमलाई सम्बोधन गर्ने छन् । सायल गाउँपालिकामा क्षेत्रीय सभापति विजय खड्कालाई खटाईएको छ । त्यस्तै बडीकेदार गाउँपालिकाको कार्यक्रमका लागि महाधिबेसन प्रतिनिधि रामप्रशाद उपाध्यायलाई खटाईएको छ ।

जोरायल गाउँपालिकाको कार्यक्रमका लागि महासमिति सदस्य वीरबहादुर जेठारा, केआईसिंह गाउँपालिकाका लागि जिल्ला सदस्य जित बहादुर खड्कालाई प्रतिनिधि तोकिएको छ । बोगटान फड्सील गाउँपालिकाको कार्यक्रमका लागि जिल्ला सदस्य शुशिल घर्तीलाई खटाईएको सचिव जोशीले जानकारी दिए ।
स्थानीय तहका प्रमुख तथा उप–प्रमुख, स्थानीय तहका पार्टी सभापति, भातृ संगठनका प्रमुख तथा प्रतिनिधि तथा अन्य नेताहरुलाई समेत सम्बन्धित पालिकामा तोकिएको छ ।

नेपालका प्रथम जननिर्वाचित प्रधानमन्त्री एवं नेपाली काँग्रेसका संस्थापक विश्वेश्वर प्रसाद कोइराला २०३३ साल पुस १६ गते राष्ट्रिय एकता र मेलमिलापको सन्देश लिएर प्रवासी जीवन त्यागेर भारतबाट नेपाल आएको सम्झनामा यसपटक पनि डोटी लगायत देशभर विभिन्न कार्यक्रम गरी राष्ट्रिय मेलमिलाप दिवस मनाउने कार्यक्रम रहेको छ ।

बीपी त्यतिबेला नेपाल आउँदा तत्कालीन सरकारले गोली ठोकेर मार्न पनि सक्दथ्यो । तर, उनले आफ्नो ज्यानको बाजी लगाएर गणेशमान सिंह, शैलजा आचार्य लगायतसँग नेपाल आएका थिए । बीपीको एउटै उद्धेश्य थियोह देशभित्रका समस्याको समाधान सार्वभौम जनताबाट नै गरिनुपर्दछ । आपसमा समझदारीबाटै समाधान हुन्छ । उनले त्यतिबेला देश रक्षाका लागि दल र राजा मिल्नुपर्ने धारणा राखेका थिए । तर ८ वर्ष प्रवास बसेर फर्केका बीपीलाई मेलमिलापको वातावरण बनाउनुको सट्टा त्रिभुवन अन्तर्राष्ट्रिय विमानस्थलबाट सीधै तत्कालीन सुन्दरीजल बन्दीगृहमा पुर्याइएको थियो ।

बीपी जेल परे पनि मेलमिलापको ढोका भने खुल्यो । ०३३ सालपछिका जति पनि क्रान्ति र परिवर्तन भए त्यसमा बीपीको त्यही मेलमिलाप र एकताको नीतिले काम गरिरहेको छ । बीपी २०३९ सालमा बिते । काँग्रेसले हरेक वर्ष पुस १६ गते देशव्यापीरूपमा विभिन्न कार्यक्रमको आयोजना गरी राष्ट्रिय एकता तथा मेलमिलाप दिवस मनाउँदै आएको छ ।

Related News

प्रेम आलेसहित ओली समूहका सांसदले दिए देउवालाई विश्वासको मत
प्रेम आलेसहित ओली समूहका सांसदले दिए देउवालाई विश्वासको मत
  • २०७७ पुष १५

काठमाडौं : नेकपा (एमाले) अध्यक्ष केपी ओली समूहका केही सांसदले कांग्रेस सभापति एवम् प्रधानमन्त्री शेरबहादुर देउवालाई विश्वासको मत दिएका छन्...

प्रधानमन्त्री देउवाले पाए विश्वासको मत, पक्षमा १६५ विपक्षमा ८३
प्रधानमन्त्री देउवाले पाए विश्वासको मत, पक्षमा १६५ विपक्षमा ८३
  • २०७७ पुष १५

काठमाडौं– प्रधानमन्त्री शेरबहादुर देउवाले संसद्मा विश्वासको मत पाएका छन्। प्रतिनिधिसभाको आइतबार बसेको दोस्रो बैठकमा देउवाले संसदमा रहेका कुल सांसद संख्याको १६५ मत...

प्रधानमन्त्री देउवाले बहुमतले विश्वासको मत पाउने पक्का, यस्तो छ अंकगणित
प्रधानमन्त्री देउवाले बहुमतले विश्वासको मत पाउने पक्का, यस्तो छ अंकगणित
  • २०७७ पुष १५

काठमाडौं– जनता समाजवादी पार्टी (जसपां) नेपालका अध्यक्ष महन्थ ठाकुर पक्षले पनि विश्वासको मत दिने भएपछि प्रधानमन्त्री शेरबहादुर देउवाले विश्वासको मत...

TOP