२०७८ बैशाख ४, शनिबार
April 17, 2021, Saturday

सुदूरपश्चिममा बहुमत जोगाउन प्रचण्ड–नेपाल समूहलाई ‘हम्मेहम्मे’

सुदूरपश्चिममा बहुमत जोगाउन नेकपाको प्रचण्ड–नेपाल समूहलाई ’हम्मेहम्मे’ परेको छ । नेकपाका प्रदेशसभा सदस्यहरु समूह फेरबदल गर्ने क्रम बढेसँगै प्रचण्ड–नेपाल समूहलाई बहुमत जोगाउन हम्मेहम्मे परेको हो ।

५३ सदस्यीय प्रदेश सभामा नेकपाका ३९ जना प्रदेश सभा सदस्य छन् भने नेपाली काँग्रेसका १२ र नेकपाका दुई जना प्रदेशसभा सदस्य रहेका छन् । ओली समूहमा १३ जना प्रदेशसभा सदस्य पुगे सरकार अल्पमतमा पर्ने देखिएपछि प्रचण्ड–नेपाल समूह प्रदेशसभा सदस्यलाई समूह नफेर्न आग्रह गरिरहेको छ । अहिलेसम्म ओली समूहमा ६ जना प्रदेशसभा सदस्य स्पष्ट खुलेर लागेका छन् भने ओली समूहले आफ्नो पक्षमा १३ जना प्रदेशसभा सदस्य रहेको दावी गर्दै आएको छ । 

सुदूरपश्चिमका प्रभावशाली नेता लेखराज भट्ट ओली समूहमा रहेकाले उनी निकट केही प्रदेश सभा सदस्य ओली समूहमा जाने तयारी रहेको बताइएको छ । कांग्रेस र जनता समाजवादी पार्टीसँग मिलेर सरकार गठन गर्न ओली समूहमा १३ जना पुग्नुपर्ने छ । प्रदेशमा सुविधाजनक बहुमतमा रहेको प्रचण्ड–नेपाल पक्ष बहुमत कायम राख्ने कसरतमा छ । त्यसका लागि असन्तुष्टलाई विभिन्न जिम्मेवारी दिएर मनाउने प्रयास थालिएको छ । असन्तुष्टको व्यवस्थापनका लागि मन्त्रीपरिषमा ओली पक्षका मन्त्री हटाएर नयाँ नियुक्त गर्ने, मन्त्रालय थप गर्ने र राज्यमन्त्री थप्ने तयारी रहेको प्रचण्ड–नेपाल समूहको छ । 

प्रचण्ड–नेपाल पक्षका नेताहरु भने आफ्नो स्पष्ट बहुमत रहेकोले सरकार फेरवदल हल्लामात्र भएको दावी गरेका छन् । मुख्यमन्त्री त्रिलोचन भट्टले पनि आफ्नो सरकार सुरक्षित रहेको दावी गरे । प्रदेश सरकार धरापमा परेको टिप्पणी हुन थालेको अवस्थामा मुख्यमन्त्री भट्टले यस्तो बताएका हुन् ।

मुख्यमन्त्री भट्टले आफ्नो सरकार सुरक्षित रहेको र कसैले हल्लाउन नसक्न्ने बताए । उनले आफूविरुद्ध हस्ताक्षर संकलन भएको कुरा झुठो भएको बताउँदै अहिलेको सरकार यथावत रुपमा अगाडि बढ्ने दावी गरे । 

Related News

डेउडा प्रतिष्ठानको सल्लाहकार समिति चयन : संयोजकमा बलायर
डेउडा प्रतिष्ठानको सल्लाहकार समिति चयन : संयोजकमा बलायर
  • २०७७ पुष १३

कैलाली- डेउडा प्रतिष्ठानको सल्लाहकार समिति चयन गरिएको छ । सुदूरपश्चिम तथा कर्णाली प्रदेशको लोक संस्कृती, डेउडाको संरक्षण एबं सम्बद्र्धन गर्न...

नेपालमा फैलियो डबल म्युटेन्ट र  यूके भेरियन्ट कोरोना
नेपालमा फैलियो डबल म्युटेन्ट र यूके भेरियन्ट कोरोना
  • २०७७ पुष १३

काठमाडौं- नेपालमा कोरोना भाइरसको नयाँ भेरियन्ट (यूके भेरियन्ट) फैलिएको पुष्टि भएको छ। इपिडिमियोलोजी तथा रोग नियन्त्रण महाशाखाका निर्देशक कृष्णप्रसाद पौडेलका अनुसार...

केआइसिंहमा शुभकामना आदान प्रदान
केआइसिंहमा शुभकामना आदान प्रदान
  • २०७७ पुष १३

डोटी- केआइसिंह गाउँपालिकामा नयाँ वर्ष २०७८ एवं बिसौं पर्वको शुभकामना आदान प्रदान गरिएको छ । नेपाली कांग्रेस केआइसिंह गाउँपालिका वडा...

TOP