२०७८ माघ ३, सोमबार
January 17, 2022, Monday
बर्दिवासमा भीड अनियन्त्रित हुँदै

प्रहरीको गोली लागेर प्रदर्शनकारीको निधन भएपछि निषेध आदेश तोड्दै प्रदर्शन

 बालिका हत्याको विरोधमा सडकमा उत्रिएको भीड नियन्त्रण बाहिर हुन थालेपछि  बर्दिवासमा स्थानीय प्रशासनले बिहीबार बिहानसम्मका लागि निषेध आदेश जारी गरेको छ।

तर निषेध आदेशका बावजुद पनि प्रदर्शन भने जारी नै छ।  

बालिका हत्याको विरोधमा सडकमा उत्रिएका प्रदर्शनकारी मध्ये एकजनाको प्रहरीको गोलीबाट मृत्यु भएपछि प्रदर्शन झनै उग्र बन्न पुगेको हो।

मंगलबार प्रदर्शनकारीहरु बालिका गुलबसाको शव लिएर प्रदर्शन गरिरहँदा प्रहरीले शव खोसेपछि प्रदर्शनकारीहरु झनै उग्र भएका थिए ।

सोही क्रममा प्रदर्शनकारीलाई तितर बितर पार्न प्रहरीले हवाई फायरसंगै गोली चलाएपछि बुद्धिराज न्यौपाने  (सञ्जय) को मृत्यु भएको हो।

न्यौपानेको मृत्यु भएपछि बर्दिवासका बासिन्दा सरकार र प्रहरीविरुद्ध नारावाजी गर्दै सडकमा प्रदर्शन गरिरहेका छन् ।

प्रदर्शनमा प्रदेश- २ का प्रदेशसभा सदस्य शारदा थापाको समेत सहभागिता छ।

उता न्यौपानेको उपचारका क्रममा मृत्यु भएपछि बर्दिबासमा बसेको सर्वपक्षीय भेलाले न्यौपानेलाई सहित घोषणा गर्नुपर्ने,  आन्दोलनका घाइतेलाई उपचार तथा क्षतिपूर्ति दिनु पर्ने, गोली चलाउन निर्देशन दिने अधिकारीलाई कारवाही गर्नुपर्ने,  बालिकाका हत्यारालाई कडा कारवाही हुनु पर्ने लगायतका माग राखेका छन्।

बैठकले कांग्रेसका नेता चिरञ्जिवी हमालको संयोजकत्वामा ११ सदस्यीय वार्ता टोली समेत गठन गरेको छ।

बर्दिबास नगरपालिका १४ शुभम् बस्तीका सहिद आलमकी ६ वर्षीया छोरी गुलबसा खातुनको गत सोमबार हत्या भएको थियो। हत्याको आरोपमा स्थानीय अरुण साह पक्राउ परिसकेका छन्।

Related News

सरकारले भारतलाई भन्यो–‘नेपाली भूमिमा सडक निर्माण रोक’
सरकारले भारतलाई भन्यो–‘नेपाली भूमिमा सडक निर्माण रोक’
  • २०७७ मंसिर १०

काठमाडौँ – सरकारले नेपाली भूमिमा भारतीय पक्षबाट भइरहेको एकपक्षीय सडक निर्माण रोक्न र कूटनीतिक संवादमा आउन भारत सरकारलाई आग्रह गरेको...

सङ्ग्रहालयको सम्पत्ति कौडीको भाउमा दिने र मनोमानी गर्नेलाई कारबाही हुन्छ : मन्त्री आले
सङ्ग्रहालयको सम्पत्ति कौडीको भाउमा दिने र मनोमानी गर्नेलाई कारबाही हुन्छ : मन्त्री आले
  • २०७७ मंसिर १०

काठमाडौँ – संस्कृति, पर्यटन तथा नागरिक उड्डयनमन्त्री प्रेमबहादुर आलेले नारायणहिटी दरबार सङ्ग्रहालयको सम्पत्ति कौडीको भाउमा दिने र मनपरि ढङ्गबाट प्रयोग...

सहरी विकासमन्त्री झाँक्री १०० दिने प्रगति सार्वजनिक गर्दै
सहरी विकासमन्त्री झाँक्री १०० दिने प्रगति सार्वजनिक गर्दै
  • २०७७ मंसिर १०

काठमाण्डौँ – सहरी विकासमन्त्री रामकुमारी झाँक्री आज आफ्नो कार्यसमीक्षा र प्रगति विवरण सार्वजनिक गर्दैछिन् । मन्त्रालयको कार्यभार सम्हालेको १०० दिन...

TOP