२०७९ माघ १५, आईतवार
January 29, 2023, Sunday

११ वटा गाई मारेको आरोपमा बैतडीका एक जना पक्राउ

बैतडी- बैतडीमा मृत अवस्थामा फेला परेका गाई हत्याको आशंकामा एक जना पक्राउ परेका छन् । पुर्चौडी नगरपालिका ५ कुवाकोटका २४ वर्षीय लक्ष्मण पार्कीलाई पक्राउ गरिएको छ । पार्कीलाई नियन्त्रणमा लिएर अनुसन्धानका लागि जिल्ला प्रहरी कार्यालय बैतडी ल्याउन लागेको प्रहरी नायव उपरीक्षक नारायणप्रसाद अधिकारीले बताए । 

पुर्चौडी नगरपालिका वडा नम्बर ६ को सिगास सामुदायिक वन क्षेत्र अन्तरगतको भेरीखोला मुहानमा ११ वटा गाई मृत अवस्थामा भेटिएका थिए । स्थानीयले केही व्यक्तीले गाई व्यवस्थापन गर्ने भन्दै रकम लिएर ती गाईलाई नियोजित रुपमा भीरबाट खसालेको आशंका गरेका थिए । पाटन नगरपालिकाबाट गाई व्यवस्थापनका लागि जिम्मा पाएकाहरुले नै टिप्परबाट गाई खोलामा खसालेको उनीहरुको आशंका थियो । 

पुर्चौडी नगरपालिकाको कुवाकोटका सुरेश पार्की र लक्ष्मण पार्कीले नगरपालिकासँग सम्झौता गरेर ३४ वटा गाई लिएका थिए । उनीहरुलाई सो नगरपालिकाले प्रति गाई २ हजार रुपैयाँ समेत दिएको पाटन नगरपालिकाका प्रवक्ता लोकबहादुर भण्डारीले जानकारी दिए । 
 

Related News

सुदूरपश्चिममा आइत र सोमबार पानी पर्ने सम्भावना
सुदूरपश्चिममा आइत र सोमबार पानी पर्ने सम्भावना
  • २०७७ मंसिर ५

सुदूरपश्चिम प्रदेशमा दुई दिन पानी पर्ने र हिमपातको सम्भावना रहेको...

TOP