२०७७ मंसिर १६, मंगलवार
December 1, 2020, Tuesday

डोटीमा ग्रामिण सडक निर्माण कार्यले पुनः तीव्रता पायो

डोटी- बन्दाबन्दीका कारण रोकिएको डोटीका सडक निर्माण कार्यले पुनः तीव्रता पाएको छ । सुदूरपश्चिम प्रदेश सरकारको लगानीमा निर्माण भइरहेको जिल्लाको राजपुर–फलेडी, झिग्राना सडक, राजपुर–बुहार तथा सहजपुर–बोगटान सडकमा पुनः काम शुरु भएको हो ।

सडक पूर्वाधार विकास कार्यालय डडेल्धुराका प्रमुख रामचन्द्र खत्रीले राजपुर–बुहार सडक कालोपत्रको काम अन्तिम चरणमा पुगेको छ भने अन्य क्षेत्रका सडकमा डबल कटिङसहितका काम शुरु भएको जानकारी दिए । सुदूरपश्चिम प्रदेशको प्रमुख पर्यटकीयस्थल खप्तड जोड्ने झिग्राना सडक निर्माण कार्य अहिले तीव्र गतिमा अगाडि  बढाइएको छ ।

सुदूरपश्चिम सरकारको लगानीमा डोटीको जिल्ला सदरमुकाम सिलगढीदेखि ओखरबोट ओसाइल बगलेक–झिग्राना सडक निर्माणको काम तीव्र गतिमा भइरहेको हो । प्रदेश सरकारले खप्तड जोड्ने सिलगढी झिग्राना सडक (१५.६ किलोमिटर) कालोपत्र गर्न रु ४० करोड बजेट विनियोजन गरी सडक निर्माण कार्य गराउने जिम्मा पाएको सडक पूर्वाधार विकास कार्यालय डडेल्धुराले ठेक्का सम्झौता गरेसँगै उक्त सडक कालोपत्रसहित निर्माणको कामले गति लिएको लिएको हो ।

सिलगढी– झिग्राना सडक चन्द्र एण्ड वसन्त कन्ष्ट्रक्सन, सिलगढी–मेल्लेक सडकको निर्माण कार्य राजेन्द्र र पिएस जेभि  निर्माण व्यवसायीले काम गरिरहेका छन् । सुदूरपश्चिम प्रदेशको प्रमुख पर्यटकीयस्थलको रुपमा रहेको खप्तड जाने सडक कालोपत्रे हुने भएपपछि स्थानीयमा खुशीयाली छाएको छ ।

उद्योग वाणिज्य सङ्घका अध्यक्ष मोहनबहादुर कलेलले खप्तड जाने सडक कालोपत्र भएपछि यहाँ आन्तरिक तथा बाह्य पर्यटक भित्र्याउन निकै सहज हुने बताए । सो क्षेत्रमा चार रैथानेसहित १३५ प्रजातिका फूल नियाल्न सकिन्छ ।  २२४ प्रजातिका जडिबुटी, ५३७ प्रजातिका वनस्पति, २७० जातका चराचुरुङ्गी खप्तड क्षेत्रमा हेर्न पाईन्छ ।

विश्वकै दुर्लभ जातिको हरियो छेपारो खप्तडमा पाइन्छ । बाह्रै महिना पानीको सतह एकै नासको हुने विशेषता रहेको १५० मिटर लम्बाई ५० मिटर चौडाई रहेको खप्तडमा दह पनि रहेको छ । खप्तड क्षेत्र पर्यावरणीय र धार्मिक पर्यटकसँगै अनुसन्धानकर्ताका लागि समेत उपयुक्त भएकाले वातावरण बनाउन सके खप्तडमा पर्यटकको ओइरो लाग्ने खप्तड पर्यटन विकास समितिका पूर्वाध्यक्ष पूर्णराज जोशीले बताए ।

उनले भने, “खप्तडमा पर्यटन विकास मात्रै गरे अर्बौ रुपैयाको कारोबार हुने छ । पर्यटनबाहेक खप्तडको जडिबुटी र वनस्पति पनि अर्को आयस्रोत हो ।”

Related News

सचिवालय बैठकको औचित्य छैन : प्रधानमन्त्री ओली
सचिवालय बैठकको औचित्य छैन : प्रधानमन्त्री ओली
  • २०७७ कार्तिक २८

काठमाडौं- आन्तरिक विवादमा रुमल्लिएको नेकपा सचिवालयको बैठकमा दुई अध्यक्षबीचको तिक्तता बढ्दो छ। मंगलबारको सचिवालय बैठक पार्टी मुख्यालय धुम्बाराहीमा बस्ने तय भए...

केआईसिंह गाउँपालिकामा राष्ट्रिय जनमोर्चाको संगठन विस्तार : संयोजकमा भट्टराई
केआईसिंह गाउँपालिकामा राष्ट्रिय जनमोर्चाको संगठन विस्तार : संयोजकमा भट्टराई
  • २०७७ कार्तिक २८

प्रदेश सरकार शरिरमा भएको गलगाँड डोटी- राष्ट्रिय जनमोर्चाले केआईसिंह गाउँपालिकामा संगठन विस्तार गरेको छ । मंगलबार आयोजना गरिएको गाउँपालिका स्तरीय...

एमालेबाट निर्वाचित डडेल्धुराका  वडाध्यक्षले राजीनामा दिए
एमालेबाट निर्वाचित डडेल्धुराका वडाध्यक्षले राजीनामा दिए
  • २०७७ कार्तिक २८

सहकर्मीले असहयोग गरेको भन्दै डडेल्धुराका एक निर्वाचित वडाध्यक्षले राजीनामा दिएका छन् । तत्कालीन नेकपा एमालेबाट निर्वाचित भएका आलिताल गाउँपालिका–१ का...

TOP