२०७८ बैशाख ४, शनिबार
April 17, 2021, Saturday

मोटरसाइकल धनीको पहिचान पछि बन्द यातायात सुचारु : चालक अझै फरार

डोटी- सोमवार राती मोटरसाइकलको ठक्करबाट दिपायलमा बृद्धाको ज्यान गए पछि मंगलबार बन्द गरिएको सडक खुलेको छ । ठक्करबाट बृद्ध महिलाको घटना स्थलमै मृत्यु भएको थियो भने मोटरसाइकल चालक फरार रहेका थिए ।

स्थानीयले चालकको पहिचार गरी आवस्यक कारबाही अगाडी बढाउन माग गर्दै दिपायलमा सडक बन्द गरेका थिए । मोटरसाइकल धनीको पहिचान पछि यातायात सुचारु भएको हो ।

सोमवार राती मोटरसाइकलको ठक्करबाट दिपायल सिलगढी नगरपालिका– ४ दिपायल क्षेत्रमा मागेर गुजार चलाउँदै आएकी ७० वर्षीया वीपिकेश्वरी बिकको मृत्यु भएको थियो ।

बिकलाई ठक्कर दिएर मोटरसाइकल चालक फरार रहेपछि स्थानीयले दिपायल बजारमा तीन घण्टा यातायात बन्द गरेका थिए । मृतकको शव अस्पतालमै रहेको छ ।

चालक से ५ ख ९४६९ नम्बरको मोटरसाइकल घटना स्थलमै छोडेर फरार रहेका छन् । उक्त मोटरसाइकल शुवास अधिकारीको नाममा रहेको र चालकको खोजिकार्य जारी रहेको जिल्ला प्रहरी कार्यलय डोटीका सुचना अधिकारी, प्रहरी नायब उपरीक्षक इन्द्र बहादुर मल्लले जानकारी दिए । उनले चालकको पहिचानसँगै खोजिकार्य जारी राख्ने र आवस्यक कारबाहीको दायरामा ल्याउने सहमति पछि सडक खुलेको बताए ।

बन्दकर्ताले चालकको खोजिकार्य, आवस्यक कारबाही र क्षतिपूर्तीको माग गर्दै आएका छन् ।

Related News

डेउडा प्रतिष्ठानको सल्लाहकार समिति चयन : संयोजकमा बलायर
डेउडा प्रतिष्ठानको सल्लाहकार समिति चयन : संयोजकमा बलायर
  • २०७७ कार्तिक २५

कैलाली- डेउडा प्रतिष्ठानको सल्लाहकार समिति चयन गरिएको छ । सुदूरपश्चिम तथा कर्णाली प्रदेशको लोक संस्कृती, डेउडाको संरक्षण एबं सम्बद्र्धन गर्न...

नेपालमा फैलियो डबल म्युटेन्ट र  यूके भेरियन्ट कोरोना
नेपालमा फैलियो डबल म्युटेन्ट र यूके भेरियन्ट कोरोना
  • २०७७ कार्तिक २५

काठमाडौं- नेपालमा कोरोना भाइरसको नयाँ भेरियन्ट (यूके भेरियन्ट) फैलिएको पुष्टि भएको छ। इपिडिमियोलोजी तथा रोग नियन्त्रण महाशाखाका निर्देशक कृष्णप्रसाद पौडेलका अनुसार...

केआइसिंहमा शुभकामना आदान प्रदान
केआइसिंहमा शुभकामना आदान प्रदान
  • २०७७ कार्तिक २५

डोटी- केआइसिंह गाउँपालिकामा नयाँ वर्ष २०७८ एवं बिसौं पर्वको शुभकामना आदान प्रदान गरिएको छ । नेपाली कांग्रेस केआइसिंह गाउँपालिका वडा...

TOP