२०७८ बैशाख ४, शनिबार
April 17, 2021, Saturday

साइन नेपालद्वारा बगलेकका २ सय ९५ परिवारलाई धुवाँ रहित चुलो वितरण

डोटी- साइन नेपाल धनगढीले पूर्वीचौकी गाउँपालिका वडा नं २ बगलेकका बासिन्दालाई सुधारिएको धुवा रहित चुलो वितरण गरेको छ । शनिवार वडा नं २ को झिंग्रानामा एक कार्यक्रमका विच उक्त सामग्री वितरण गरेको हो ।

वडा कार्यालयको सहकार्यमा वडाका २ सय ९५ परिवारलाई चुलो वितरण गरिएको साइन नेपालका अध्यक्ष भक्तराज जोशीले बताए । वडाले पुरै वडा धुवाँ रहित वनाउनमा सहयोग गर्न अनुृरोध गरेको बताउदै अध्यक्ष जोशीले भने,’यो पहिलो पटक वितरण गरेको चुलोले राम्रो परिणाम ल्याए कार्यक्रमलाई अगाडी बढाइने छ ।’

सुदूरपश्चिम प्रदेश सभा सदस्य भरत बहादुर खड्काले चुलो वितरण कार्यक्रममा बोलदै सुधारिएको चोलोले गृहेणी दिदी वहिनीको स्वास्थ्यमा सुधार आउनेमा विश्वास व्यत्त गरे । दैनिक चोलो चौकामा लागिरहने दिदी वहिनीहरुले धुवाका कारण विभिन्न स्वास्थ्य समस्या झेल्नु परेको अवस्थालाइ सुधारिएको चुलो प्रयोगले राम्रो परिणाम ल्याउने खड्काले बताए ।

धुवा रहित चुलोले मध्यवर्ती क्षेत्र र यहाँका वासिन्दालाई प्रत्यक्ष रुपमा फाइदा पुग्ने खप्तड मध्यवर्ती क्षेत्र विकास समितिका अध्यक्ष राम प्रसाद उपाध्यायले बताए ।

वडा अध्यक्ष योगेन्द्र ठकुल्लाले संस्थाले वितरण गरेको धुवा रहित चुलोले वडा बासीको स्वास्थ्यमा प्रत्यक्ष फाइदा पुग्ने बताए । उनले धुवा रहित चुलोको प्रयोगले यहाँका वासिन्दामा आउने सकारात्मक प्रभावलाइ मध्यनजर गर्दै सम्पूर्ण वडालाई धुवारहित वडा वनाउनमा सहयोग गरिदिन आग्रह गरे अनुसार चुलो उपलब्ध गराएको साइन नेपाललाई धन्यवाद व्यक्त गरे ।

कार्यक्रममा डोटी उद्योग वाणिज्य संघका महासचिव दिपक खड्काले धुवा रहित चोलो वितरणले दैनिक चुलोको धुवावाट आइपर्ने स्वास्थ्य समस्यलाइ न्यूनिकरण गर्ने बताए ।

साइन नेपालका कोषाध्यक्ष मेखराज भट्टले धुवाँ रहित चुलोको उपयोगिता र महत्वका बसरेमा जानकारी दिएका थिए । सुधारिएको चुलोले दाउराको पनि कम खपत हुने र समयको बचत पनि हुने नन्द सिंह धामीले बताए ।

Related News

डेउडा प्रतिष्ठानको सल्लाहकार समिति चयन : संयोजकमा बलायर
डेउडा प्रतिष्ठानको सल्लाहकार समिति चयन : संयोजकमा बलायर
  • २०७७ कार्तिक २३

कैलाली- डेउडा प्रतिष्ठानको सल्लाहकार समिति चयन गरिएको छ । सुदूरपश्चिम तथा कर्णाली प्रदेशको लोक संस्कृती, डेउडाको संरक्षण एबं सम्बद्र्धन गर्न...

नेपालमा फैलियो डबल म्युटेन्ट र  यूके भेरियन्ट कोरोना
नेपालमा फैलियो डबल म्युटेन्ट र यूके भेरियन्ट कोरोना
  • २०७७ कार्तिक २३

काठमाडौं- नेपालमा कोरोना भाइरसको नयाँ भेरियन्ट (यूके भेरियन्ट) फैलिएको पुष्टि भएको छ। इपिडिमियोलोजी तथा रोग नियन्त्रण महाशाखाका निर्देशक कृष्णप्रसाद पौडेलका अनुसार...

केआइसिंहमा शुभकामना आदान प्रदान
केआइसिंहमा शुभकामना आदान प्रदान
  • २०७७ कार्तिक २३

डोटी- केआइसिंह गाउँपालिकामा नयाँ वर्ष २०७८ एवं बिसौं पर्वको शुभकामना आदान प्रदान गरिएको छ । नेपाली कांग्रेस केआइसिंह गाउँपालिका वडा...

TOP