सामुदायिक विकास केन्द्रकाे अध्यक्षमा पुनः जोशी

संस्थाको नवनिर्मित भवन उद्घाटन

डोटी– सामुदायिक विकास केन्द्र (सिडिसी) डोटीको अध्यक्षमा निवर्तमान अध्यक्ष हेमराज जोशी चयन भएका छन् ।

गैर सरकारी संस्था सिडिसीकाे १२ औं अधिवेशनबाट जोशीको नेतृत्वमा २ सदस्य कार्यसमितिबाट मनोनित गर्ने गरेर ११ सदस्यीय समिति सर्वसम्मत गठन गरिएको छ ।

संस्थाको उपाध्यक्षमा सुनिल धर्ति, महासचिवमा माधवराज पन्त, सचिवमा निर्मला रोस्यारा , कोषाध्यक्षमा कृष्ण बहादुर वि.क चयन भएका छन् । सदस्यहरुमा टेकराज अवस्थी ,मिनराज ओझा ,रमेश नागरी ,कलावली नौन्याल चयन भएका छन् ।

बाँकि २ सदस्य पछि मोनित गर्ने संस्थाका अध्यक्ष जोशीले जानकारी दिए ।

साधारण सभाको उद्घाटन सत्रमा शिखर नगरपालिकाका नगर प्रमुख सिताराम जोशी प्रमुख अथिति रहेका थिए । कार्यक्रममा शिखर नगरपालिकाका नगर उप-प्रमुख धौली देवी रावल र सामुदायिक विकास केन्द्र, डोटीका संस्थापक अध्यक्ष हरि प्रसाद पन्त लगायतको उपस्थिती रहेको थियो ।

संस्थाका महासचिव माधबराज पन्त ले बार्षिक प्रतिवेदन पेश गरेको कार्यक्रममा संस्थाका कोषाध्यक्ष कृष्ण बहादुर वि.क ले आर्थिक प्रतिवेदन पेश गर्नु भएको थियो ।

कार्यक्रममा बोल्नु हुदै प्रमुख अथिति शिखर नगरपालिकाका नगर प्रमुख जोशीले शिखर नगरपालिकामा स्थापना भएको संस्थाले आज जिल्ला र प्रदेश हुदै राष्ट्रिय स्तरमा पनि राम्रो काम गरेको बताउँदै आगामी दिनमा पनि बालबालिकाको शिक्षा, बाल अधिकारको विकासमा जोड दिने विश्वास व्यक्त गरे ।

संस्थाको भवन उद्धाटन

यसै विच संस्थाको नव निर्मित भवनको पनि उद्घाटन गरिएको छ । दिपायल सिलगढी नगरपालिका -६ सिलगढीमा निर्माण भएको उक्त भवनको संस्थाका संस्थापक अध्यक्ष पन्तले उद्घाटन गरेका हुन् ।

संस्थाका निवर्तमान अध्यक्ष जोशीको अध्यक्षतामा भएको कार्यक्रममा नगरविकास समितिमा पूर्व अध्यक्ष सुशिल धर्ति , गै.स.स महासंघ डोटीका अध्यक्ष रधु कठायत लगायतको उपस्तिथि रहेको थियो ।