२०७८ माघ ३, सोमबार
January 17, 2022, Monday

कोरोना संक्रमणबाट मृत्यु भएकी महिलाको शव व्यवस्थापनमा स्थानीयको अबरोध

कैलाली- धनगढीमा कोरोना संक्रमणबाट मृत्यु भएकी एक महिलाको शव व्यवस्थापनको विषयलाई लिएर स्थानीयले विरोध जनाएका छन् । मानव वस्तीको बीचमा रहेको ‘कब्रिस्तानमा शव व्यवस्थान गरेपछि संक्रमणको जोखिम बढ्ने भन्दै स्थानीयहरु विरोध जनाएका हुन् ।

धनगढी उपमहानगरपालिका १ स्थित सो कब्रिस्तानको गेटमा तालाबन्दी गरेर स्थानीयले सडकमा  टायर बालेर प्रदर्शन गरेका छन् ।  कोरोनाका कारण मृत्यु भएकी धनगढी उपमहानगरपालिका २ की ५७ वर्षीया महिलाको शव सो कब्रिस्तानमा गाडेपछि स्थानीय विरोधमा उत्रिएका हुन् ।

यसै बीच समस्याको समाधान छलफलबाट गरिने भएको छ । विहीबार कैलालीका प्रमुख जिल्ला अधिकारी लगायतका स्थानीय वासिन्दाहरुसँग पनि छलफल गरिएको छ । छलफलबाट निष्कर्ष ननिस्किएपछि फेरी शुक्रवार छलफल गरेर निष्कर्ष निकालिने धनगढी उपमहानगरपालिका वडा नम्बर १ का वडाध्यक्ष सन्तोष मुडभरीले जानकारी दिए । 

स्थानीय वासिन्दाहरुले कब्रिस्तानमा गाडिएको कोरोना संक्रमित महिलाको शव अन्यत्र गाड्न माग गरेका छन् । यस विषयमा मृतकका परिवार पनि तयार भईसकेका छन् । तर कुन स्थानमा गाडने भन्ने टुंगो लागेको छैन । जिल्ला स्थित प्रशासनका अधिकारीहरु समस्याको समाधान खोज्ने तयारीमा लागेका छन् । सम्भवत शुक्रबार यो समस्या समाधान हुने  वडाध्यक्ष मुडभरीले जानकारी दिए ।

Related News

पर्यटनमन्त्री आलेलाई कोरोना संक्रमण
पर्यटनमन्त्री आलेलाई कोरोना संक्रमण
  • २०७७ कार्तिक १३

काठमाडौँ — संस्कृति, पर्यटन तथा नागरिक उड्डयनमन्त्री प्रेमबहादुर आलेलाई कोरोना संक्रमण भएको छ । मन्त्री आलेलाई कोरोना संक्रमण भएको उनको...

डोटीमा संक्रमण नियन्त्रण फितलो
डोटीमा संक्रमण नियन्त्रण फितलो
  • २०७७ कार्तिक १३

डोटी – भारतबाट घर फर्कने क्रममा केआईसिंह गाउँपालिका–६ का वीरभान तिरुवा (नाम परिवर्तन) को महाकाली अस्पताल कञ्चनपुरमा एन्टिजेन परीक्षण भयो ।...

दूधको मूल्य लिटरमा १० रुपैयाँ बढाउन सिफारिस
दूधको मूल्य लिटरमा १० रुपैयाँ बढाउन सिफारिस
  • २०७७ कार्तिक १३

काठमाडौं – राष्ट्रिय दुग्ध विकास बोर्डले दूधको मूल्य लिटरमा १० रुपैयाँ बढाउन कृषि तथा पशुपन्छी विकास मन्त्रालयमा सिफारिस गरेको छ...

TOP