२०७८ आश्विन ९, शनिबार
September 25, 2021, Saturday

छुवाछुत अन्त्यका लागि नेबिसंघको आयोजनामा दलितको हातबाट दसैंको टीका

धनगढी : कैलालीका गैरदलित युवाहरुले दलित समुदायका वृद्धवृद्धाको हातबाट टीका र जमरा लगाएका छन्। 

नेपाल विद्यार्थी संघ (नेबिसंघ) कैलाली, क्षेत्र नम्बर ४ को आयोजनामा गैरदलित युवाहरुले दलित समुदायका वृद्धवृद्धाको हातबाट टीका र जमरा लगाउने कार्यक्रम आयोजना गरेको हो। 

युवाहरुले गोदावरी नगरपालिका ९, सेहरीस्थित ८४ वर्षीया रम्भादेवी विक र ७० वर्षीया डम्मरादेवी विकको हाताबाट टीका र जमरा लगाएको नेविसंघका क्षेत्रीय सभापति गणेश शाहले बताए। 

धनगढी उपमहानगरपालिका र गोदावरी नगरपालिकामा दलित समुदायका विद्यार्थीले डेरा नपाउने समस्यालाई मध्यनजर गर्दै यो कार्यक्रम आयोजना गरेको उनले जानकारी दिए। दसैंको दिनको टीकाको विशेष महत्त्व रहने भएकाले दलित समुदायको घरबाट टीका लगाएर दसैं सुरुवात गरिएको शाहले बताए। 

दुर्गालक्ष्मी बहुमुखी क्याम्पसको नेविसंघ ईकाई अध्यक्ष तथा समस्या पहिचान तथा समाधान घरदैलो अभियानका सयोजक पदम ओझाले समाजमा व्याप्त जातीय छुवाछुत अन्त्यका लागि सकारात्मक सन्देश दिन टीका ग्रहण कार्यक्रम आयोजना गरिएको बताए। 

नेपालमा जातीय छुवाछुत कानुनीरुपमा अन्त्य भए पनि सामाजिकरुपमा विद्यमान रहेकाले त्यसको अन्त्यका लागि अभियानले सकरात्मक सन्देश दिने नेपाली कांग्रेस कैलालीका जिल्ला कार्यसमिति सदस्य नृप सुनारले बताए।

सामाजिक अभियान्ता बिर्सलाल विश्वकर्माले कैलालीमा सबैभन्दा बढी दलितहरुको बस्ती रहेको गोदावरी नगरपालिकाबाट नै यो अभियान संचालन हुनुले समाजमा सकारात्मक सन्देश दिने बताए।

Related News

समाज कल्याण परिषदका पदाधिकारीले दिए सामूहिक राजीनामा
समाज कल्याण परिषदका पदाधिकारीले दिए सामूहिक राजीनामा
  • २०७७ कार्तिक १२

काठमाडौं – सरकार परिवर्तन भएसँगै समाज कल्याण परिषद्का पदाधिकारी पनि बाहिरिएका छन् । तत्कालिन समयमा केपी शर्मा ओली नेतृत्वको सरकारले...

चितवनबाट बादलले भने, ‘अबको चुनाव प्रचण्ड भर्सेस बादल हुन्छ’
चितवनबाट बादलले भने, ‘अबको चुनाव प्रचण्ड भर्सेस बादल हुन्छ’
  • २०७७ कार्तिक १२

काठमाडौँ – नेकपा एमालेका स्थायी कमिटी सदस्य एवम् पूर्वगृहमन्त्री रामबहादुर थापा‘बादल’ले आफू प्रचण्डसँग चुनाव लड्न तयार भएको बताएका छन् । आज...

एमालेको केन्द्रीय कमिटी बैठक सुरु, विधान महाधिवेशनबारे छलफल
एमालेको केन्द्रीय कमिटी बैठक सुरु, विधान महाधिवेशनबारे छलफल
  • २०७७ कार्तिक १२

काठमाडौं । नेकपा एमालेको केन्द्रीय कमिटी बैठक सुरु भएको छ । बैठक च्यासलस्थित तुल्सीलाल स्मृति प्रतिष्ठानको भवनमा बसेको हो ।...

TOP