२०७८ मंसिर ११, शनिबार
November 27, 2021, Saturday

गस्तीमा खटिएका असईको तस्करले घाँटी रेटी हत्या गरेको प्रहरी अनुमान

धनगढी – धनगढीको जुगेडा अस्थायी प्रहरी चौकीका इन्चार्ज प्रहरी सहायक निरीक्षक गोबिन्द बिकको घाँटी रेटर हत्या भएकाे प्रहरीले जनाएको छ।

धनगढी उप–महानगरपालिका वडा नम्बर १२ को अस्थायी प्रहरी विट जुगेडामा कार्यरत प्रहरी सहायक निरीक्षक घाँटी रेटेर हत्या भएको अवस्थाम शव फेला परेको सुदूरपश्चिम प्रदेश प्रहरी कार्यालयका प्रमुख तथा प्रहरी नायव महाननिरीक्षक उत्तम सुवेदीले बताए ।

डिआईजी सुवेदीले भने–‘असईको हत्या गरी मोहना नदीमा फालिएको प्रारम्भिक अनुसन्धानले देखाएको छ ।’

उनको घाँटीको तलबाट रेटिएको पाइएको सुवेदीले बताए ।

चौकीका इन्चार्ज बिक र प्रहरी जवान रामबहादुर साउँद शनिबार रातिदेखि बेपत्ता थिए । साउँद भने अझै बेपत्ता रहेका छन् । बेपत्ता प्रहरीको खोजीका लागि गोताखोर टोली घटनास्थल पुगेको छ । सशस्त्र प्रहरीको अत्तरिया स्थित ७ नम्बर बाहिनीको गोताखोर टोली घटनास्थल पुगी बेपत्ता साउँदको खोजी गरिरहेको छ ।

धनगढी उपमहानगरपालिका १२ जुगेडाको त्यस क्षेत्रमा भारतबाट विभिन्न सामान अवैध रुपमा नेपाल ल्याउने गरिएको छ । त्यस क्षेत्रमा तस्करको ठूलो सञ्जाल सक्रिय रहेकाले तस्करले नै हत्या गरेको हुनसक्ने प्रहरी अधिकारीहरु बताउँछन्।

चौकीबाट मोटरसाइकलमा राति साढे आठ बजे गस्तीमा निस्किएका दुवैजना साढे १० बजेदेखि सम्पर्क बिहीन भएका थिए ।

उनले चढ्ने बा ५८ प ५२८४ नम्बरको मोटरसाइकल शव भेटिएको स्थानदेखि साढे २ किलोमिटर पश्चिमतर्फ भेटिएको छ भने बिकसँग रहेको हतियार फेला परेका छैन।

Related News

सुदूरपश्चिम कांग्रेस सभापतिमा शाहीको उम्मेदवारी घोषणा
सुदूरपश्चिम कांग्रेस सभापतिमा शाहीको उम्मेदवारी घोषणा
  • २०७७ कार्तिक २

डोटी- नेपाली कांग्रेस सुदूरपश्चिम प्रदेशको सभापतिमा युवा नेता पुष्पकुमार शाहीले उम्मेदवारी घोषणा गरेका छन् । शनिबार दिपायलमा आयोजित पत्रकार सम्मेलन...

जंगे पिल्लर छेउमै उभिएर उम्मेदवारी  घोषणा
जंगे पिल्लर छेउमै उभिएर उम्मेदवारी घोषणा
  • २०७७ कार्तिक २

कैलाली – कांग्रेसका नव निर्वाचित केन्द्रीय महाधिवेशन प्रतिनिधि तथा नेपाल विद्यार्थी संघका पूर्व कार्यवाहक केन्द्रीय अध्यक्ष क्षितिज भण्डारीले नेपाल–भारत सीमा...

हेर्दाहेर्दै महिलाले सेती पुलबाट हाम फालिन् , अवस्था अज्ञात
हेर्दाहेर्दै महिलाले सेती पुलबाट हाम फालिन् , अवस्था अज्ञात
  • २०७७ कार्तिक २

डोटी – दिपायल स्थित सेती नदीको पुल माथिबाट एक महिलाले हाम फालेकी छिन् । वरिपरिबाट हेर्दाहेर्दै पुलबाट हाम फालेकी ती...

TOP