२०७८ बैशाख २६, आईतवार
May 9, 2021, Sunday

ओलीको एकलौटी निर्णय : राजदूत नियुक्तिप्रति नेकपामा असन्तुष्टि

काठमाडौँ– बिहीबार सरकारले गरेको तीन राजदूत सिफारिसप्रति सत्तारुढ नेकपाभित्र असन्तुष्टि देखिएको छ।

सरकारका महत्वपूर्ण निर्णयहरु पार्टीसँग छलफल गरेर गर्ने सचिवालय र स्थायी समितिको निर्णय विपरीत अध्यक्षसमेत रहेका प्रधानमन्त्री केपी शर्मा अ‍ोलीले तीन देशका लागि बिहीबार राजदूत सिफारिस गरेका छन्।

उक्त सिफारिस अर्का अध्यक्ष पुष्पकमल दाहाल प्रचण्ड र सचिवालयका अरु सदस्यहरुसँग छलफल नै नगरी गरिएको भन्दै नेताहरुले असन्तुष्टि जनाएका छन्।

मन्त्रिपरिषद् पुनः गठनका विषयमा दुई अध्यक्षबीच कुरा नमिलिरहेका बेला ओलीले फेरि एकलौटी गर्न थालेको आशंका दाहाल र वरिष्ठ नेता नेपाल पक्षीय नेताहरुले गरेका छन्।

बिहीबार बिहान बसेको मन्त्रिपरिषद बैठकले मुख्य सचिवबाट लोकदर्शन रेग्मीले दिएको राजीनामा स्वीकृत गर्दै बेलायतको राजदूतमा सिफारिस गर्ने निर्णय गरेको छ।

त्यस्तै पूर्व अर्थमन्त्री एवं प्रधानमन्त्रीका सल्लाहकार युवराज खतिवडालाई अमेरिकाको राजदूतमा सिफारिस गरिएको छ। सरकाले निर्मल विश्वकर्मालाई दक्षिण अफ्रिकाको राजदूत सिफारिस गर्दै परराष्ट्र सचिव शंकरदास वैरागीलाई मुख्य सचिव बनाउने निर्णय गरेको महिला बालबालिका तथा समाज कल्याणमन्त्री पार्वत गुरुङले जानकारी दिए।

यी निर्णयप्रति दाहालसँग ओलीले कुनै सल्लाह नगरेको उनी निकट एक नेताले बताए। ‘सरकारका नियुक्तबारे अध्यक्ष ज्यूसँग छलफल भएको रहेनछ, यसबारेमा के भएको हामी पनि बुझ्दै छौँ’, दाहाल निकट स्थायी समिति सदस्यले भने।

भदौ २६ गते स्थायी समितिले पारित गरेको अध्यक्षद्वयको प्रस्तावमा सरकारका महत्वपूर्ण नियुक्त पार्टीमा सल्लाह गरेर मात्र गर्ने भन्ने उल्लेख थियो। तर, स्थायी समितिको निर्णय ओलीले एक महिना पनि नपुग्दै उल्लंघन गरेका छन्।

Related News

महामारीमा खटिएका एम्बुलेन्स चालक बोगटी : जो बिरामी बोक्नुलाई धर्म ठान्छन्
महामारीमा खटिएका एम्बुलेन्स चालक बोगटी : जो बिरामी बोक्नुलाई धर्म ठान्छन्
  • २०७७ आश्विन १५

डोटी- शुक्रबार जिल्ला अस्पताल डोटीमा उपचार भैरहेका ३२ वर्षीय कोरोना संक्रमितको अवस्था नाजुक बन्यो । डाक्टरले उनलाई भेण्टिलेटरको आवस्यकता परेको...

डोटी चेम्बर अफ कमर्सको भवन निर्माण स्थलमा झडप : वडाध्यक्ष घाइते
डोटी चेम्बर अफ कमर्सको भवन निर्माण स्थलमा झडप : वडाध्यक्ष घाइते
  • २०७७ आश्विन १५

डोटी– डोटी चेम्बर अफ कमर्सको भवन निर्माण स्थलमा झडप भएको छ । चेम्बरले आफ्नो नाममा रहेको जमिन माथिको चलनचल्तीको वर्षौं...

सौगात ओझाकाे हर्कत बाहिरियो : लकडाउनमा अछामकी ठिटी लगेर टाप
सौगात ओझाकाे हर्कत बाहिरियो : लकडाउनमा अछामकी ठिटी लगेर टाप
  • २०७७ आश्विन १५

कैलाली – गायक, सर्जक एबं मोडेल सौगात ओझाको हर्कत बाहिरिएको छ । लामो समय देखि डेउडा एबं लोक संगीतमा लागेका...

TOP