२०७७ फाल्गुन २४, सोमबार
March 8, 2021, Monday
बझाङकी १२ वर्षीया बालिका हत्या प्रकरण

सम्झनाका हत्या आरोपी सार्वजनिक : मृतकको शव बुधबार बुझ्ने सहमति

बझाङः बझाङ प्रहरीले सम्झना कामीको हत्या आरोपीलाई सार्वजनिक गरेको छ । सम्झनाको हत्या आरोपमा पक्राउ परेका २० वर्षीय राजेन्द्र बोहरालाई प्रहरीले मंगलबार सार्वजनिक गरेको हो ।

असोज ८ गते जिल्लाको मष्टा गाउँपालिका– २ खिकालाकी १२ वर्षीया सम्झना कामीको हत्या भएको थियो । गोठमा गाइवस्तुलाई घाँस हाल्न हिँडेकी सम्झनाको शव स्थानीय शिव मन्दिरभित्र अर्धनग्न अवस्थामा फेला परेको थियो ।

साथै राजेन्द्रविरुद्ध अर्की एक बालिकामाथि जबरजस्ती करणीको जाहेरी परेको थियो । सोही ठाउँकी १३ वर्षीया बालिकालाई जबरजस्ती करणीको जाहेरी परेको जिल्ला प्रहरी कार्यालय बझाङले बताएको छ ।

एक साता देखि अस्पतालमै रहेको सम्झनाको शव बुधबार आफन्तले बुझ्ने भएका छन् । मंगलबार अबेर सम्म पीडित पक्ष र प्रशासनबीचको छलफलपछि क्षतिपूर्तिका लागि नेपाल सरकारसँग अनुरोध गर्ने र घटनाका दोषीलाई कडा कारबाही गर्नेे सहमति भएको छ ।

सहमतिपछि शव बुझ्न आफन्त सहमत भएको जिल्ला प्रहरी कार्यालय बझाङका प्रमुख प्रहरी नायव उपरीक्षक रुपक खड्काले बताए । उनका अनुसार मंगलबार भएको सहमतिपछि पीडित पक्षले भोली (बुधबार) शव बुझ्ने छन् । बालिकाको हत्या भएको सातौँ दिन मंगलबार पीडित पक्ष शव बुझ्न राजी भएका हुन् ।

बालिकाको हत्यामा संलग्न आरोपी बोहरालाई प्रहरीले सार्वजनिक गरेसँगै सम्झनाका आफन्तले भोली नै दाहसंस्कार गर्ने र आवश्यक कारवाहीका लागि माग गर्ने जनाएकाछन् ।

Related News

सरकार र विप्लव समूहबीच तीन बुँदे सहमतिपत्रमा हस्ताक्षर
सरकार र विप्लव समूहबीच तीन बुँदे सहमतिपत्रमा हस्ताक्षर
  • २०७७ आश्विन १३

काठमाडौं । सरकार र नेत्रविक्रम चन्द ‘विप्लव’ नेतृत्वको नेकपाबीच भएको सहमतिमा हस्ताक्षर भएको छ । काठमाडौंको राष्ट्रिय सभागृहमा प्रधानमन्त्री केपी...

पत्रकार स्वारद्वार जन्मदिनमा अक्षय कोष स्थापनाका लागि सहयोग
पत्रकार स्वारद्वार जन्मदिनमा अक्षय कोष स्थापनाका लागि सहयोग
  • २०७७ आश्विन १३

डोटी– सुदूरपश्चिमका पत्रकार मनमोहन स्वारले तेजु स्मृति अक्षय कोष स्थापनाका लागि सहयोग गरेकाछन् । नेपाल प्रेस युनियनका केन्द्रीय उपाध्यक्ष, नेपाल...

होटल व्यवसायी संघ डोटीद्वारा वनभोज कार्यक्रमको आयोजना
होटल व्यवसायी संघ डोटीद्वारा वनभोज कार्यक्रमको आयोजना
  • २०७७ आश्विन १३

डोटी- होटल व्यवसायी संघ डोटीले वनभोज कार्यक्रम आयोजना गरेको छ । होटल व्यवसायी संघको स्थापना दिवसको अवसर पारेर वनभोज कार्यक्रमको...

TOP