२०७७ मंसिर १९, शुक्रबार
December 4, 2020, Friday
कोभिड - १९ अपडेट

सुदूरपश्चिममा ९ सय २३ जना सक्रिय संक्रमित

धनगढी- सुदूरपश्चिम प्रदेशमा हाल सम्म कोरोना संक्रमण पुष्टि भएका मध्य ९ सय २३ जना सक्रिय अवस्था अथवा उपचाररत संक्रमित रहेका छन् ।

सुदूरपश्चिममा ६ हजार ६ सय ८७ जनामा कोरोना संक्रमण पुष्टि भएकोमा ५ हजार ७ सय ५१ जना निको भएर घर गइसकेका छन् ।

स्वास्थ्य निर्देशनालय राजपुर डोटीका अनुसार हाल सवै भन्दा बढी सक्रिय संक्रमित कैलाली जिल्लामा रहेका छन् भने कम संक्रमित हुने जिल्ला बाजुरा छ ।

हाल कैलाली जिल्लामा ४ सय ७० कोरोनाका सक्रिय संक्रमित हुँदा बाजुरामा ९ जना सक्रिय संक्रतिम मात्र रहेका छन् । निर्देशनालयका अनुसार सक्रिय संक्रमित बढी हुने दोश्रो जिल्ला डोटी रहेको छ ।

डोटीमा शनिबार सम्म १ सय १८ जना सक्रिय संक्रमित रहेका छन् । यसै गरी अछाममा ७७, बैतडीमा ६९, बझाङमा ८९, डडेल्धुरामा १५, दार्चुल्लामा ३०, र कञ्चनपुरमा ४५ जना सक्रिय संक्रमित रहेका निर्देशनालयले जनाएको छ ।

सुदूरपश्चिम प्रदेशमा पाँच हजार ७ सय ५१ जना संक्रमण मुक्त भएका छन् । हाल सम्म सुदूरपश्चिममा ६ हजार ६ सय ८७ जनामा कोरोना संक्रमण पुष्टि भएकोमा ५ हजार ७ सय ५१ जना अर्थात ८६ प्रतिशत नागरिक कोरोना संक्रमण निको भएर घर गएका सुदूरपश्चिम प्रदेश स्वास्थ्य निर्देशनालयद्वारा जारी प्रेश विज्ञप्तिमा उल्लेख छ ।

निर्देशनालयका अनुसार हाल सम्म सुदूरपश्चिममा ७८ हजार ९३ जनाको पिसिआर विधिबाट कोरोना परिक्षण गरिएको छ । स्वास्थ्य निर्देशनालय राजपुर डोटीद्वारा जारी विज्ञप्ति अनुसार हाल सम्म सुदूरपश्चिममा ७९ हजार ४ सय ८८ जनाको स्वाव संकलन गरिएको छ । ती मध्य ७८ हजार ९३ नमूनाको नतिजा आएकोमा ६ हजार ६ सय ८७ जनामा कोरोना संक्रमण पुष्टि भएको छ ।

परिक्षण गरिएका नमूना मध्य ७१ हजार ४ सय ७ जनाको स्वावको नतिजा नेगेटिभ आएको छ । स्वाव संकलन गरिएका मध्य १ हजार ३ सय ९५ जनाको नतिजा आउँन बाँकी रहेको निर्देशनालयले जनाएको छ ।

Related News

केपी ओली लोकतन्त्रका लागि होइन, ज्यान मुद्दामा जेल परेका हुन् : रामचन्द्र पौडेल
केपी ओली लोकतन्त्रका लागि होइन, ज्यान मुद्दामा जेल परेका हुन् : रामचन्द्र पौडेल
  • २०७७ आश्विन ६

काठमाडौं- नेपाली कांग्रेसका वरिष्ठ नेता रामचन्द्र पौडेलले प्रधानमन्त्री केपी शर्मा ओलीमाथि तिखो टिप्पणी गरेका छन् । ओली लोकतन्त्रका लागि नभई...

उपमेयरलाई गाडीभित्रै जिउँदै जलाउने प्रयास
उपमेयरलाई गाडीभित्रै जिउँदै जलाउने प्रयास
  • २०७७ आश्विन ६

उपमेयरलाई गाडीभित्रै जिउँदै जलाउने प्रयास भएको छ । झापाको मेचीनगर नगरपालिकाकी उपमेयर मिना उप्रेतीलाई आज दिउँसो चारआली चोक नजिक गाडीभित्रै...

डोटीमा मोटरसाइकल दुर्घटना : केआईसिंह गाउँपालिकाका दुई जना गम्भिर घाइते
डोटीमा मोटरसाइकल दुर्घटना : केआईसिंह गाउँपालिकाका दुई जना गम्भिर घाइते
  • २०७७ आश्विन ६

डोटी- डोटीमा मोटरसाइकल र मालबाहक गाडी एकआपसमा ठोक्किँदा दुई जना घाइते भएका छन् । दिपायल आइरहेको मोटरसाइकल र अछामबाट कैलाली...

TOP