२०७९ मंसिर १६, शुक्रबार
December 2, 2022, Friday
१९ औं सत्याग्रहमा डाक्टर गोविन्द केसी

प्रहरीले मध्यरातमा जबर्जस्ती अस्पताल लग्यो

जुम्ला- चिकित्सा शिक्षामा सुधारको माग राख्दै जुम्लामा अनसनमा बसेका डाक्टर गोविन्द केसीलाई शनिबार राति प्रहरीले जबर्जस्ती उठाएर अस्पताल लगेको छ ।

करिब पौने एघार बजे प्रहरीले जबर्जस्ती उठाएर उनलाई कर्णाली स्वास्थ्य विज्ञान प्रतिष्ठान लगेको डा केसीका सहयोगी स्थानीय युवा महेन्द्र कार्कीले बताए ।

१९ औं सत्याग्रहमा बसेका डा केसीको स्वास्थ्य अवस्था कमजोर भएको भन्दै डाक्टरहरुले चिन्ता ब्यक्त गरेपछि अस्पताल लगिएको प्रहरीले स्पष्टिकरण दिएको छ । नियमित स्वास्थ्य निगरानी गरिरहेका चिकित्सकले शनिबार दिउँसो अस्पताल लैजानुपर्ने सुझाव दिएका थिए । तर उनी अस्पताल जान मानेका थिएनन् ।

अस्पताल जान नमानेका डा केसीलाई राति नै लछारपछार पारेर प्रहरीले कर्णाली स्वास्थ्य विज्ञान प्रतिष्ठान लगेको डा केसीका सहयोगीहरुले बताएका छन् ।

उनले प्रहरीले अपहरण शैलीमा उठाएकाले कुनै पनि उपचार नलिने बताएका छन् ।

डा केसी मुलुकको स्वास्थ्य र चिकित्सा शिक्षामा सुधार माग गर्दै ७ दिनदेखि जुम्लामा अनशनरत छन् । लामो समयदेखि पटकपटक अनशन बस्दै आएका डा केसीको स्वास्थ्य अवस्था कमजोर बन्दै गएको चिकित्सकहरुले बताएका छन् ।

Related News

धनगढीमा ८ राउन्ड हवाई फायर, दर्जन बढी विद्यार्थी पक्राउ
धनगढीमा ८ राउन्ड हवाई फायर, दर्जन बढी विद्यार्थी पक्राउ
  • २०७७ आश्विन ४

कैलाली- स्थानीय प्रशासनले निषेध गरिएको क्षेत्रमा विद्यार्थीले आन्दोलन गरेपछि भीडलाई...

TOP