२०७९ असार १६, बिहीबार
June 30, 2022, Thursday
कोभिड - १९ अपडेट

सुदूरपश्चिममा ६ सय ९१ जनाको थ्रोट स्वाब परीक्षण : ३९ जनामा कोरोना पुष्टि

डोटी– पछिल्लो २४ घण्टामा सुदूरपश्चिमका थप ३९ जनामा कोरोना पुष्टि भएको छ । सुदूरपश्चिमका तीन प्रयोगशालामा शनिबार ६ सय ९१ जनाको थ्रोट स्वाब परीक्षण गरिएकोमा ३९ जनामा कोरोना पुष्टि भएको हो ।

डडेल्धुरा अस्पतालको प्रयोगशालामा भएको परीक्षणमा दार्चुलाका २१, बैतडीका २ र डडेल्धुराका ३ जनामा संक्रमण पुष्टि भएको आस्पतालले जनाएको छ । डडेल्धुरा अस्पतालको प्रयोगशालामा शनिबार एक सय ८६ जनाको नमूना परीक्षण गरिएको थियो ।

सेती प्रादेशिक अस्पतालको प्रयोगशालामा पछिल्लो २४ घण्टामा तीन सय ९३ जनाको कोरोना परीक्षण भएकोमा १३ जनामा संक्रमण पुष्टि भएको छ । कैलालीको गोदावरी नगरपालिका वडा नम्वर १२ का चार जना, धनगढी उप–महानगरपालिका वडा नम्वर १ का तीन जना, वडा नम्वर ८ का दुई जना, वडा नम्वर २ का एक जना र जानकी गाउँपालिका वडा नम्वर ६ का एक जनामा संक्रमण पुष्टि भएको अस्पतालका सूचना अधिकारी दिलिप कुमार श्रेष्ठले जानकारी दिए ।

जिल्ला अस्पताल डोटीको प्रयोगशालामा पछिल्लो २४ घण्टामा एक सय १२ जनाको कोरोना परीक्षण भएकोमा सबैको रिपोर्ट नेगेटिभ आएको अस्पतालले विज्ञप्ती मार्फत जानकारी दिएको छ ।

योसँगै सुदूरपश्चिममा संक्रमितको संख्या ६ हजार सात सय ७५ पुगेको छ । संक्रमण पुष्टि भएका ५ हजार सात सय २४ जनाले कोरोना जितेको दावी गरिएको छ भने १५ जनाको मृत्यु भएको छ ।

Related News

किसान र कृषि नगर सरकारको पहिलो प्राथमिकता : मेयर बलायर
किसान र कृषि नगर सरकारको पहिलो प्राथमिकता : मेयर बलायर
  • २०७७ आश्विन ३

दिपायल –शिखर नगरपालिकाका नगर प्रमुख दीर्घ बलायरले किसान र कृषकलाई...

TOP