२०७९ जेष्ठ ४, बुधबार
May 18, 2022, Wednesday
कोभिड - १९ अपडेट

सुदूरपश्चिमका थप २१ जनामा कोरोना संक्रमण पुष्टि

धनगढी– सुदूरपश्चिममा थप २१ जनामा कोरोना संक्रमण पुष्टि भएको छ । शुक्रबार डोटी अस्पतालको कोरोना परिक्षण प्रयोगशालामा गरिएको २ सय १२ तथा सेती प्रादेशिक अस्पतालको प्रयोगशालामा गरिएको ६ सय २८ स्वाव परिक्षणमा २१ कनाको रिपोर्ट पोजेटिभ आएको हो ।

डोटी अस्पतालका प्रयोगशाला इन्चार्ज शौरभ श्रेष्ठका अनुसार शुक्रबार संक्रमण पुष्टि हुनेमा अछामको पञ्चदेवल विनायक नगरपालिकाका ८ महिला र ७ पुरुष रहेका छन् ।

यसै गरी धनगढी स्थित सेती प्रादेशिक अस्पतालमा गरिएको कोरोना परिक्षणमा कैलालीका ६ जनामा कोरोना संक्रमण पुष्टि भएको छ । धनगढी स्थित सेती प्रादेशिक अस्पतालको कोरोना परिक्षण प्रयोगशालामा गरिएको ६ सय २८ स्वाव परिक्षणमा ६ जनाको रिपोर्ट पोजेटिभ भेटिएको अस्पतालले जनाएको छ ।

अस्पतालका सूचना अधिकारी दिलिप कुमार श्रेष्ठका अनुसार शुक्रबार संक्रमण पुष्टि हुनेमा धनगढी उप–महानगरपालिका–१२ का दुई महिला र १ पुरुष गरी ३ जना, धनगढी–४ का १ पुरुष र टिकापुर नगरपालिका १ का दुई पुरुषमा संक्रमण पुष्टि भएको छ ।

Related News

डडेल्धुराका सातवटै पालिकाको अन्तिम परिणाम, एमाले शुन्य
डडेल्धुराका सातवटै पालिकाको अन्तिम परिणाम, एमाले शुन्य
  • २०७७ आश्विन २

डडेल्धुरा- अमरगढी नगरपालिकाको प्रमुख र उपप्रमुखमा नेपाली का‌ग्रेस विजयी भएको...

TOP