डोटी । डोटीका थप १४ जनामा कोरोना संक्रमण पुष्टि भएको छ । जिल्ला अस्पताल डोटीको प्रयोगशालामा मंगलबार गरिएको परीक्षणमा डोटीमा कार्यरत ६ जना नेपाली सेना सहित १४ जनामा कोरोना पुष्टि भएको हो ।
प्रयोगशालामा पछिल्लो २४ घण्टामा १४५ जनाको नमुना परीक्षण गरिएकोमा १४ जना नयाँ संक्रमित थपिएका हुन् । यसअघि कोरोना पुष्टि भएका नेपाली सेनाका १५ जनाको रिपोर्ट पुन: पोजेटिभ आएको छ ।
स्वास्थ्य कार्यालयका प्रमुख रमेश मलासीका अनुसार राजपुर स्थित सुल्लेखमा रहेको ब्यारेकका थप ४ जना र राजपुरमा रहेको ब्यारेकका २ जना गरी ६ जना नेपाली सेनाका जवानमा कोरोना पुष्टि भएको हो ।
त्यस्तै दिपायल सिलगढी नगरपालिकाका ७ जना र आदर्श गाउँपालिकाका एक जनामा कोरोना पुष्टि भएको छ ।
काठमाडौं – यस वर्षको माध्यमिक शिक्षा परीक्षा (एसईई)आजबाट सुरु हुँदैछ।...