२०७७ मंसिर १४, आईतवार
November 29, 2020, Sunday

बाजुराको कोल्टीमा इलाका प्रशासन राख्न माग

बाजुरा– बाजुराको उत्तरपूर्वी भेगको कोल्टी क्षेत्रमा इलाका प्रशासन कार्यालय राख्नका लागि चार स्थानीय तहका जनप्रतिनिधिले सरकारसँग माग गरेका छन्। 

सोमबार चार स्थानीय तहका प्रमुख, प्रदेश निर्वाचन क्षेत्र ‘क’ बाट निर्वाचित प्रदेशसभा सदस्य र अन्य स्थानीयवासीको सर्वपक्षीय भेलाले उत्तरपूर्वी भेगमा इलाका प्रशासन कार्यालय राख्न सरकारसँग माग गर्ने निर्णय भएको हिमाली गाउँपालिकाका अध्यक्ष गोविन्द्रबहादुर मल्लले बताए।

उनका अनुसार प्रदेश निर्वाचन क्षेत्र ‘क’ का नागरिकले सरकारी सेवा लिन लामो दूरीको यात्रा गर्दै जिल्ला सदरमुकाम धाउनुपर्ने बाध्यता अन्त्य गर्नका लागि सरकारसँग इलाका प्रशासन कार्यलयल माग गर्ने सहमति भएको हो।

तीन वटै तहको निर्वाचन भएको तीन वर्ष बितिसक्दा पनि प्रदेश निर्वाचन क्षेत्र ‘क’ मा अहिलेसम्म इलाका प्रशासन कार्यालय स्थापना नहुँदा नागरिकले जिल्ला धाउनुपर्ने बाध्यताका कारण चार स्थानीय तहले इलाका प्रशासन कार्यालय स्थापनाको मागसहित गृह मन्त्रालयलाई पत्र पठाएको जगन्नाथ गाउँपालिकाका अध्यक्ष कालीबहादुर शाहीले बताए। 

जिल्ला प्रशासन कार्यालयबाट दिइने सेवा सुविधा लिन इलाका प्रशासन कार्यालय स्थापनापछि तीन गाउँपालिका र एक नगरपालिकाका नागरिकलाई सहज हुने भएकाले सोमबार बसेको सर्वपक्षीय बैठकले सहमतिसहित पत्र पठाएको अध्यक्ष शाहीले बताए।

सर्वपक्षीय भेलामा प्रदेश निर्वाचन क्षेत्र ‘क’ का प्रदेशसभा सदस्य बलदेव रेग्मी, बुढीनन्दा नगरपालिकाका प्रमुख पदमकुमार गिरी, हिमाली गाउँपालिकाका अध्यक्ष मल्ल, जगन्नाथ गाउँपालिकाका अध्यक्ष शाही र स्वामीकार्तिक गाउँपालिकाका अध्यक्ष चिरञ्जीवी शाही तथा नगर उपप्रमुख गाउँपालिकाका उपाध्यक्ष, वडाध्यक्ष नागरिक समाजका अगुवालगायतको सहभागिता थियो।  रासस 

Related News

बैठक वस्न नदिने गरी विचार राख्न र अवरोध गर्न कुनैपनि अध्यक्षलाई अधिकार छैन : बामदेव गौतम
बैठक वस्न नदिने गरी विचार राख्न र अवरोध गर्न कुनैपनि अध्यक्षलाई अधिकार छैन : बामदेव गौतम
  • २०७७ भाद्र ३०

काठमाडौं । नेपाल कम्युनिष्ट पार्टी (नेकपा)का उपाध्यक्ष तथा संगठन विभाग प्रमुख बामदेव गौतमले पार्टीको विधान बमोजिम बैठक बस्नुपर्ने र बैठक...

काठमाडौं पुगे चिनियाँ रक्षामन्त्री : कस्लाई कस्लाई भेट्दैछन् ?
काठमाडौं पुगे चिनियाँ रक्षामन्त्री : कस्लाई कस्लाई भेट्दैछन् ?
  • २०७७ भाद्र ३०

चीनका रक्षा मन्त्री वेइ फेङहे  काठमाडौं आइपुगेका छन्।  चार्टर्ड जहाजमा आइतबार बिहान पौने ११ बजेतिर काठमाडौं आएका रक्षा मन्त्री फेङहे विमानस्थलबाट...

सुदूरपश्चिममा ५४ जना कोरोना संक्रमितको मृत्यु :  को हुन मृतक ?
सुदूरपश्चिममा ५४ जना कोरोना संक्रमितको मृत्यु : को हुन मृतक ?
  • २०७७ भाद्र ३०

सुदूरपश्चिममा कोरोनाबाट मृत्यु हुनेको संख्या ५४ पुगेको छ । शनिबार धनगढीमा एक जना कोरोना संक्रमितको मृत्यु भएसँगै कोरोनाले मृत्यु हुने...

TOP