२०७७ मंसिर १२, शुक्रबार
November 27, 2020, Friday

सुदूरपश्चिमका पत्रकार आन्दोलित : पीडितले जाहेरी दिएपनि टेर्दैन प्रशासन

‘मिसन टोली’ पठाउन महासंघलाई आग्रह

धनगढी: दिनेश सञ्चार गृह र पत्रकारमाथि आक्रमण गर्नेलाई कारबाहीको माग गर्दै कैलालीका पत्रकार आन्दोलित भएका छन्। पीडित पक्षले कुटपिट गर्नेलाई कारबाहीको माग गर्दै किटानी जाहेरी दिएपनि प्रहरीले संलग्नलाई पक्राउ नगरेको भन्दै आइतबार धनगढीमा भएको पत्रकारहरुको भेलाले नेपाल पत्रकार महासंघ कैलालीको अगुवाइमा चरणवद्ध आन्दोलन गर्ने घोषणा गरेको हो। 

आन्दोलन अन्तर्गत आइतबार पहिलो दिन धनगढीको पार्क मोडबाट जिल्ला प्रशासनसम्म र्‍यालीको आयोजना गरिएको महासंघका अध्यक्ष जगत साउँदले बताए। उनले महासंघले तीन दिने आन्दोलनका कार्यक्रम समेत घोषण गरेको जानकारी दिए। ‘आज पहिलो दिन र्‍याली र कोण सभा गरेका छौ’ अध्यक्ष साउँदले भने, ‘भोली जिल्ला प्रशासन कार्यालयमा धर्ना दिने कार्यक्रम छ भने मुख्यमन्त्रीलाई ध्यानाकर्षण गराउने कार्यक्रम रहेको छ। आन्दोलनको तेस्रो दिन प्रदेश सभामा धर्ना दिने कार्यक्रम तय गरेका छौ।’ 

कोणसभालाई सम्बोधन गर्दै सञ्चार गृह र पत्रकारमाथि भएको आक्रमणको निन्दा गर्दै पत्रकारहरुले संलग्नलाई तत्काल पक्राउ गर्न माग पनि गरेका छन्। नेपाल पत्रकार महासंघका केन्द्रिय सदस्य मिन बमले गुण्डा शैलीमा भएको आक्रमणको निन्दा गर्दै संलग्नमाथि कारवाहीको माग गरे। ‘अपराधिक समूहमा आवद्धलाई अहिलेसम्म पक्राउ गरिएको छैन्, उनले भने, ‘पत्रकार र सञ्चारमाध्यममाथि भएको आक्रमणप्रति संवेदशिल हुन प्रहरी प्रशासनलाई आग्रह छ।’
नेपाल पत्रकार महासंघ सुदूरपश्चिमका अध्यक्ष अर्जुन शाहले कुटपिटमा संलग्नलाई तीन दिनसम्म पक्राउ नगरिएको बताउँदै प्रहरी, प्रशासनको क्षमता र नियतमाथि प्रश्न उठेको बताए। सञ्चार माध्यममाथि भएको आक्रमणको केस अन्तराष्ट्रियकरण भएको बताउँदै उनले पत्रकारहरुको अन्तराष्ट्रिय संघले पनि चाँसो दिएको बताए। 

नेपाल पत्रकार महासंघका पूर्व केन्द्रिय सदस्य दिलबहादुर छत्यालले अपराधिक मानसिकता बोकेका गुण्डाहरुले सञ्चार गृहमा आक्रमण गर्दैमा पत्रकारको कलम बन्द नहुने बताए। ‘संविधानमा प्रेस स्वतन्त्रताको ग्यारेन्टि भएको छ’ उनले भने, ‘हामी हिजो पनि लोकतन्त्रका लागि लडेका हौ र आज पनि सडकमा छौ। कसैबाट परिचालित व्यक्तिले आक्रमण गर्दैमा हाम्रो कलम बन्द हुँदैन्। हामी अझै सशक्त भएर अगडि बढ्छौं।’ 

नेपाल पत्रकार महासंघका पूर्व क्षेत्रीय संयोजक मनमोहन स्वारले पत्रकारमाथि कुटपिट र सञ्चारमाध्यममा आक्रमण गर्नेहरुलाई पक्राउ गर्न प्रहरी, प्रशासनले उदासिनता देखाएको बताए। पत्रकारमाथि एकपछि अर्को गर्दै हातपात हुन थालेपछि आक्रमणकारीको उत्साह बढ्न थालेको स्वारले बताए। कोण सभालाई नेपाल पत्रकार महासंघ कैलालीका पूर्व अध्यक्ष दिर्घराज उपाध्याय र भरत शाह, आदीवासी जनजाती पत्रकार महासंघका प्रदेश अध्यक्ष भीम चौधरी, थारु पत्रकार संघका केन्द्रिय उपाध्यक्ष उन्नती चौधरी, नेपाल प्रेस युनियनका कैलाली अध्यक्ष श्रवण देउवाले पनि सम्वोधन गरेका थिए। 

यस्तै धनगढीमा आज भएको भेलाले पत्रकार र सञ्चार माध्यममाथि भएको आक्रमणमा संलग्नलाई उन्मुक्ति दिने चलखेल भइरहेको भन्दै सयुक्त प्रेस विज्ञप्ती पनि जारी गरेको छ। विज्ञप्तीमा नेपाल पत्रकार महासंघको मिसन टोलीका लागि आग्रह गर्ने र प्रेस स्वतन्त्रताका लागि नागरिक बहस सञ्चालन गर्ने समेत उल्लेख गरिएको छ। विज्ञप्तीमा नेपाल पत्रकार महासंघका केन्द्रिय सदस्य, पूर्व क्षेत्रीय संयोजक, प्रदेश अध्यक्ष, पूर्व केन्द्रिय सदस्य, जिल्ला अध्यक्ष लगायतका हस्ताक्षर रहेको छ। 

शुक्रबार दिनेश सञ्चार गृहको कार्यालयमा पुगेका १५/२० जनाको समूहले गृहका सह–सम्पादक जनक विष्टलाई कुटपिट गरेका थिए भने व्यवस्थापक अमिता कुँवर र प्राविधिक कल्पना सिंहमाथि पनि हातपात भएको थियो। 

जिल्ला प्रहरी कार्यालयका प्रवक्ता प्रहरी नायव उपरिक्षक प्रतिक विष्टले दिएको जानकारीका आधारमा धनगढीमा थुनुवा कक्षमै १९ बर्षीय युवकले गरे आत्महत्या शिर्षकको समाचार दिनेश खवरमा प्रकाशन भएको थियो। तर दिनेश खवरमा पुगेका युवाहरुले भने आत्महत्या नभई हत्या भएको भन्दै सञ्चारमाध्यममा आक्रमण गरेका थिए। तर प्रहरीले भने अहिले पनि १९ वर्षीय युवक रोशन विकले आत्महत्या गरेको बताउँदै आएको छ।

Related News

धनगढीका नगरप्रमुख र उप–प्रमुखद्धारा परीक्षाकेन्द्रको अनुगमन
धनगढीका नगरप्रमुख र उप–प्रमुखद्धारा परीक्षाकेन्द्रको अनुगमन
  • २०७७ भाद्र २८

धनगढी- धनगढी उप–महानगरपालिकाका नगरप्रमुख नृपबहादुर वड र उप–प्रमुख सुशीला मिश्र भट्टले अहिले संचालनमा रहेको कक्षा १२ को बार्षिक परीक्षा केन्द्रको...

धनगढी उप–महानगरपालिका वडा नं ६ को कार्यालय भवन शिलन्यास
धनगढी उप–महानगरपालिका वडा नं ६ को कार्यालय भवन शिलन्यास
  • २०७७ भाद्र २८

धनगढी- धनगढी उप–महानगरपालिका वडा नं ६ को वडा कार्यालय भवनको बिहीबार शिलन्यास गरिएको छ । धनगढी उप–महानगरपालिकाका प्रमुख नृपबहादुर वड...

सेतीको परीक्षणमा सुदूरपश्चिमका थप ४१ जनामा कोरोना संक्रमण पुष्टी
सेतीको परीक्षणमा सुदूरपश्चिमका थप ४१ जनामा कोरोना संक्रमण पुष्टी
  • २०७७ भाद्र २८

सेती प्रादेशिक अस्पताल प्रयोगशालामा थप ४१ जनामा कोराना संक्रमण पुष्टि भएको छ । १३३ जनाको परीक्षण गर्दा थप ४१ जनामा...

TOP