२०७७ मंसिर १८, बिहीबार
December 3, 2020, Thursday

सुदूरपश्चिमका थप ७६ जनामा कोरोना पुष्टि : संक्रमितको कुल संख्या ६,५१० पुग्यो

डोटी- पछिल्लो २४ घण्टामा सुदूरपश्चिमका थप ७६ जनामा कोरोना संक्रमण पुष्टि भएको छ । प्रदेशका तीन वटा प्रयोग शालामा गरिएको परीक्षणमा कैलालीका ६९ सहित सुदूरपश्चिमका ७६ जनामा कोरोना पुष्टि भएको हो ।

सेती प्रादेशिक अस्पतालको प्रयोगशालामा २ सय ४५ जनाको कोरोना परीक्षण गरिएकोमा ७३ जनामा कोरोना पुष्टि भएको हो । डोटी जिल्ला अस्पतालको प्रयोगशालामा ८३ जनाको कोरोना परीक्षण भएकोमा २ जनामा संक्रमण पुष्टि भएको छ । त्यस्तै डडेल्धुरा अस्पतालको प्रयोगशालामा १ एक सय ९६ जनाको कोरोना परीक्षण भएकोमा एक जनामा कोरोना पुष्टि भएको छ ।

कैलालीको धनगढी उप–महानगरपालिकाका मात्रै ६९ जनामा संक्रमण पुष्टि भएको सेती प्रादेशिक अस्पतालका सूचना अधिकारी दिलिप कुमार श्रेष्ठले शिखर समाचारलाई जानकारी दिए । श्रेष्ठका अनुसार कैलालीको धनगढी उपमहानगरपालिका भित्रैका तर ठेगाना नखुलेका ३१ जना, वडा नम्बर १ का १८ जना, वडा नम्बर २, ३ र ८ का ४÷४ जना, वडा नम्बर ४ का ३ जना र वडा नम्बर ५, ७ त्यसैगरी १२ का एक÷एक जना गरी ६९ जनामा कोरोना संक्रमण भेटिएको हो ।

त्यस्तै सेती प्रादेशिक अस्पतालकै परीक्षणमा कञ्चनपुरको भीमदत्त नगरपालिकाका– २ का २ जना, कञ्चनपुरकै बेलौली नगरपालिका–२ का एक जना, कैलालीको गोदावरी नगरपालिका – ५ का एक जना र डडेल्धुराको परशुरम नगरपालिकाका एक जनामा कोरोना संक्रमण पुष्टि भएको श्रेष्ठले बताए ।

डोटी जिल्ला अस्पतालको प्रयोगशालामा भएको परीक्षणमा मंगलसेन नगरपालिकाका दुई पुरुषमा कोरोना संक्रमण पुष्टि भएको अस्पतालका प्रयोगशाला इन्चार्ज शौरभ श्रेष्ठले जानकारी दिए ।

यस्तै डडेल्धुरा अस्पतालको प्रयोगशालामा भएको परीक्षणमा डडेल्धुराको अमरगढी नगरपालिका–५ का एक जनामा कोरोना पुष्टि भएको अस्पतालका प्रयोगशाला इन्चार्ज इश्वरी प्रशाद भूषालले बताए । संक्रमित डडेल्धुरा सदरमुकाममा व्यवसाय गर्दै आइरहेका एक व्यापारी भएको खुलेको छ ।

यो सँगै सुदूरपश्चिममा संक्रमितको संख्या ६ हजार ५ सय १० पुगेको छ ।

Related News

केपी ओली लोकतन्त्रका लागि होइन, ज्यान मुद्दामा जेल परेका हुन् : रामचन्द्र पौडेल
केपी ओली लोकतन्त्रका लागि होइन, ज्यान मुद्दामा जेल परेका हुन् : रामचन्द्र पौडेल
  • २०७७ भाद्र २८

काठमाडौं- नेपाली कांग्रेसका वरिष्ठ नेता रामचन्द्र पौडेलले प्रधानमन्त्री केपी शर्मा ओलीमाथि तिखो टिप्पणी गरेका छन् । ओली लोकतन्त्रका लागि नभई...

उपमेयरलाई गाडीभित्रै जिउँदै जलाउने प्रयास
उपमेयरलाई गाडीभित्रै जिउँदै जलाउने प्रयास
  • २०७७ भाद्र २८

उपमेयरलाई गाडीभित्रै जिउँदै जलाउने प्रयास भएको छ । झापाको मेचीनगर नगरपालिकाकी उपमेयर मिना उप्रेतीलाई आज दिउँसो चारआली चोक नजिक गाडीभित्रै...

डोटीमा मोटरसाइकल दुर्घटना : केआईसिंह गाउँपालिकाका दुई जना गम्भिर घाइते
डोटीमा मोटरसाइकल दुर्घटना : केआईसिंह गाउँपालिकाका दुई जना गम्भिर घाइते
  • २०७७ भाद्र २८

डोटी- डोटीमा मोटरसाइकल र मालबाहक गाडी एकआपसमा ठोक्किँदा दुई जना घाइते भएका छन् । दिपायल आइरहेको मोटरसाइकल र अछामबाट कैलाली...

TOP