२०८१ असार २८, शुक्रबार
July 12, 2024, Friday

सुदूरपश्चिमका १८ विद्यालयमा सेवा दल तालिम

दिपायल– नेपाली सेनाले सुदूरपश्चिम प्रदेशका १८ सामुदायिक तथा निजी विद्यालयमा राष्ट्रिय सेवा दल ‘जुनियर डिभिजन’ तालिम दिन सुरु गरेको छ ।
प्रदेशका नौ जिल्लाका १८ विद्यालय छनोट गरेर तालिमको दिन सुरु गरिएको सुदूरपश्चिम पतृना अत्तरिया तेघरीले जनाएको छ ।

छनोट भएका विद्यालयमा सेनाका बाहिनी, गण तथा गुल्मपतिले तालिमको थालनी गरेका हुन् ।

तालिमका लागि डोटी, अछाम, बाजुरा, बझाङ र बैतडीमा एक÷एक विद्यालय छनोट गरिएको छ । त्यस्तै कञ्चनपुरका ६, कैलालीका तीन, डडेल्धुरा र दार्चुलामा दुई÷दुई विद्यालय छनोट गरिएको छ ।

जुनियर डिभिजन तालिममा छनोट भएका विद्यालयका मावि तहमा अध्ययनरत १८ छात्रा र १८ छात्र गरी ३६ जना सहभागी रहने सेनाले जनाएको छ । सेनाले दिएको जानकारीअनुसार २०२२ सालदेखि मुलुकमा सेनाले विद्यार्थीलाई सो तालिम दिँदै आएको र हालसम्म ७४ हजारभन्दा बढी विद्यार्थीले तालिम लिइसकेको जनाएको छ ।

युवा वर्गलाई अनुशासित, बफादारिता तथा इमान्दारिता, राष्ट्रिय एकताको भावना र नेतृत्व क्षमताको विकास गराउने उद्देश्यले नेपाली सेनाले हरेक वर्ष राष्ट्रिय सेवा दलको जुनियर र सिनियरतर्फको तालिम विद्यालयमा सञ्चालन गर्दै आएको छ ।

 

Related News

प्रचण्डमाथि टिप्पणी गरेर थप पीडा दिन चाहन्नँ: रमेश लेखक
प्रचण्डमाथि टिप्पणी गरेर थप पीडा दिन चाहन्नँ: रमेश लेखक
  • २०८१ असार १४

काठमाडौं– नेपाली कांग्रेसका प्रमुख सचेतक रमेश लेखकले प्रधानमन्त्री पुष्पकमल दाहाल...

TOP