२०८१ असार २८, शुक्रबार
July 12, 2024, Friday

सुदूरपश्चिममा वार्षिक कार्यक्रम पुस्तिका बाहिरिएको भन्दै कांग्रेसको आपत्ति

धनगढी — सुदूरपश्चिम प्रदेश सरकारले आगामी आर्थिक वर्षका लागि प्रस्तुत गरेको बजेटअन्तर्गतको वार्षिक कार्यक्रम पुस्तिका आधिकारिक रूपमा सार्वजनिक नगर्दै कार्यक्रम पुस्तिकाको ई–कपी बजारमा आएको भन्दै नेपाली कांग्रेस संसदीय दलले आपत्ति जनाएको छ ।

पूर्वमुख्यमन्त्रीसमेत रहेका कांग्रेस संसदीय दलका नेता कमलबहादुर शाहले आर्थिक मामिला मन्त्रालयले आधिकारिक रूपमा वार्षिक कार्यक्रम पुस्तिका सार्वजनिक नगर्दै कार्यक्रम पुस्तिकाको पीडीएफ कपी बजारमा सार्वजनिक हुनु गलत भएको बताए । मंगलबार पत्रकार सम्मेलन गर्दै उनले यस सम्बन्धमा सरकारले स्पष्ट जवाफ दिनुपर्ने बताए ।

‘आधिकारिक रूपमा कार्यक्रम पुस्तिका सार्वजनिक नगर्नुमा पनि हाम्रो आपत्ति थियो । त्यसैमा अनधिकृत ढंगले पुस्तिकाको ईकपी बाहिरिएको छ,’ संसदीय दलका नेता शाहले भने ‘के भएको हो भन्ने कुराको सत्यतथ्य सार्वजनिक होस् । छानबिन समिति गठन गर्नुपर्छ ।’

यस सम्बन्धमा बुझ्न खोज्दा आर्थिक मामिला मन्त्रालयका सचिव कमानसिंह खत्रीले फोन उठाएनन् । प्रमुख सचिव डा। हरि लम्सालले आर्थिक मामिला मन्त्रालयका सचिव खत्री काठमाण्डौंमा भएकाले आफूले आवश्यक बुझिरहेको बताए ।

 

Related News

प्रचण्डमाथि टिप्पणी गरेर थप पीडा दिन चाहन्नँ: रमेश लेखक
प्रचण्डमाथि टिप्पणी गरेर थप पीडा दिन चाहन्नँ: रमेश लेखक
  • २०८१ असार १२

काठमाडौं– नेपाली कांग्रेसका प्रमुख सचेतक रमेश लेखकले प्रधानमन्त्री पुष्पकमल दाहाल...

TOP