२०८० चैत्र १६, शुक्रबार
March 29, 2024, Friday

अछाम–२ ‘क’ माओवादीका रावल विजयी

अछाम – सुदूरपश्चिम प्रदेश सभाको सदस्यमा अछाम–२ को ‘क’ मा बाम लोकतान्त्रिक गठबन्धनका उम्मेदवार नेकपा माओवादी केन्द्रका अक्कलबहादुर रावल विजयी भएका छन् । रावलले नेकपा (एमाले) उम्मेदवार भीमबहादुर विष्टलाई दुई हजार ७९७ मतान्तरले पराजित गर्दै विजयी भएको मुख्य निर्वाचन अधिकृत कार्यालय मङ्गलसेनले जानकारी दिएको छ ।

रावलले ११ हजार २२० मत प्राप्त गर्नुभएको भने विष्टले आठ हजार ४२३ मत प्राप्त गरेका छन् । अछाम–२ को ‘क’ मा २० हजार ६७९ मत खसेका थिए । पञ्चदेवल विनायक नगरपालिका, तुर्माखाँद गाउँपालिका र कमलबजार नगरपालिकाको वडा नम्बर १ देखि ५ सम्म उक्त प्रदेश क्षेत्र पर्दछ ।

२०७४ को प्रदेशसभा निर्वाचनमा रावलले कांग्रेसका सुरतबहादुर विष्टलाई पराजित गरेर विजयी भएका थिए। तत्कालीन निर्वाचनमा रावलले १० हजार ९८१ मत प्राप्त गरेका थिए भने विष्टले नौ हजार ४० मत प्राप्त गरेर पराजित भएका थिए।

Related News

एसईई आजदेखि,१० हजार ८६ विद्यालयका ५ लाख विद्यार्थी सहभागी हुँदै
एसईई आजदेखि,१० हजार ८६ विद्यालयका ५ लाख विद्यार्थी सहभागी हुँदै
  • २०७९ मंसिर ८

काठमाडौं – यस वर्षको माध्यमिक शिक्षा परीक्षा (एसईई)आजबाट सुरु हुँदैछ।...

TOP