२०८१ असार २९, शनिबार
July 13, 2024, Saturday

मन्त्रिपरिषद्को बैठक बस्दै, निर्वाचनको मिति घोषणा हुन सक्ने

काठमाडौं- मन्त्रिपरिषदको बैठक आज दिउँसो १ बजे बस्ने भएको छ। बैठकले संघ र प्रदेशको निर्वाचन मिति तोक्न सक्ने बताइएको छ।

प्रधानमन्त्री निवास बालुवाटारमा बुधबार बसेको सत्ता गठबन्धनका शीर्ष नेताहरूको बैठकले आगामी ४ मंसिरमा एकै चरणमा निर्वाचन गर्न प्रधानमन्त्री शेरबहादुर देउवालाई सुझाएका थिए।

सत्तारूढ पाँच दलका नेताहरूले प्रतिनिधि सभा र प्रदेश सभाको चुनावका विषयमा सहमति गरेको नेकपा (माओवादी केन्द्र)का नेता नारायणकाजी श्रेष्ठले बताए। सत्तारूढ गठबन्धनको बैठकले छिटोभन्दा छिटो चुनावको घोषणा गर्न सरकारलाई आग्रह गर्ने निर्णय गरेको श्रेष्ठको भनाइ छ।

गठबन्धनको सुझाब अनुसार सरकारले आज चुनावको मिति तोक्न सक्ने बताइएको छ। प्रतिनिधिसभाबाट केही विधेयक पारित गर्नु पर्ने अवस्था भएकोले मिति तोक्ने वा नतोक्ने बारेमा प्रधानमन्त्रीको निर्णयमा भर पर्ने एक नेताले बताए।

निर्वाचन आयोगले गरेको सिफारिस अनुसारको समयसीमा कटेको दुई सातापछि सरकारले निर्वाचनको मिति घोषणाको तयारी गरेको हो। 

प्रधानमन्त्री देउवाले निर्वाचन घोषणाबारे प्रमुख प्रतिपक्षी दल एमाले, सभामुख र कानुनविद्लगायत सरोकारवालासँग परामर्श गरिसकेका छन्। उनले गत मंगलबार मन्त्री र सचिवलाई बोलाएर चुनावको मिति छिट्टै घोषणा हुने भन्दै तयारीमा लाग्न निर्देशन दिएका थिए। 

सरकारले संसदबाट संक्रमणकालीन न्यायसम्बन्धी विधेयक पास गरेपछि अधिवेशन अन्त्य गर्ने तयारी गरेको छ।

Related News

त्रिशूलीमा खसेका थप दुई यात्रुको श*व नारायणी नदीमा भेटियो
त्रिशूलीमा खसेका थप दुई यात्रुको श*व नारायणी नदीमा भेटियो
  • २०७९ श्रावण १९

काठमाडौं– नारायणी नदी किनारामा थप दुइटा शव फेला परेको छ...

TOP