काठमाडौं– नेकपा अध्यक्ष पुष्पकमल दाहाल ‘प्रचण्ड’ र सचिवालय सदस्य एवम् उपप्रधानमन्त्री ईश्वर पोखरेलबीच भेट भएको छ। कार्यकारी अध्यक्ष पुष्पकमल दाहाललाई सहमतिका लागि मनाउन प्रधानमन्त्री एवम् अर्का अध्यक्ष केपी ओली निकटका नेताहरुले भेटघाट तीव्र बनाएका हुन्।
सत्तारुढ नेकपाभित्र देखिएको विवाद उत्कर्षमा पुगेका बेला नेताहरुले अनौपचारिक छलफल तीव्र पारेका छन्।
शुक्रबार बिहान उपप्रधानमन्त्री ईश्वर पोखरेल दाहाल निवास खुमलटार पुगेर छलफल गरेका छन्।
दाहाल निकट स्रोतका अनुसार प्रधानमन्त्री ओलीको सन्देश लिएर पुगेका पोखरेलले करिब आधा घन्टा छलफल गरेका थिए।
यसअघि बिहीबार नेकपाका महासचिव विष्णु पौडेल र संसदीय दलका उपनेता सुवास नेम्वाङले पनि दाहालसँग छलफल गरेका थिए।
नेम्वाङसँगको भेटमा दाहालले आफू सहमतिकै आधारमा छलफल गरेर अघि बढ्ने मनस्थितिमा रहेको बताएका थिए।
शनिबार दिउँसो १ बजे नेकपाको सचिवालयको बैठक बस्दै छ। त्यसको पूर्व सन्ध्यामा नेताहरुबीच छलफल र भेटवार्ता बाक्लिएका छन्।
प्रचण्डसहितका बहुमत सचिवालय सदस्यहरू दुबै प्रतिवेदनमाथि छलफल गर्नुपर्ने अडानमा छन्।
प्रधानमन्त्री ओली पक्षधरले भने दुबै प्रतिवेदन फिर्ता गरेर साझा प्रस्ताव ल्याउन प्रयास गरिरहेका छन्।
काठमाडौं – यस वर्षको माध्यमिक शिक्षा परीक्षा (एसईई)आजबाट सुरु हुँदैछ।...