२०७९ श्रावण २९, आईतवार
August 14, 2022, Sunday

दिपायलमा कांग्रेस नेता उपाध्यायको श्रद्धाञ्जलीका लागि शोक पुस्तिका राखियो

डोटी- नेपाली कांग्रेस डोटीका नेता तथा पूर्व जिल्ला विकास समितिका सभापति स्व. केशबराज उपाध्यायको श्रद्धाञ्जलीका लागि शोक पुस्तिका राखिएको छ । नेपाली कांग्रेस डोटीले दिपायल सिलगढी नगरपालिका–४ पिपल्लामा रहेको सत्कार होटल बाहिर शोक पुस्तिका राखेको हो ।

दमका बिरामी नेता उपाध्यायको उपचारका क्रममा नेपालगञ्ज स्थित कोहलपुर अस्पतालमा कार्तिक ३० गते निधन भएको थियो । ७४ वर्षको उमेरमा निधन भएका नेता उपाध्यायको श्रद्धाञ्जलीका लागि शोक पुस्तिका राखिएको नेपाली कांग्रेस डोटीका सदस्य जितबहादुर खड्काले बताए । स्व. नेता उपाध्याय कर्मठ, निष्ठावान, बुद्धिजिवि र सबैका प्रिय रहेको स्मरण गर्दै उनको निधनले नेपाली राजनीतिमा ठुलो क्षती पुगेको खड्काले बताए ।

शोक पुष्तिका १३औं दिनको पुण्यतिथि सम्म राखिने कांग्रेसले जनाएको छ ।

बहुदल आएपछि २०५९ सालमा जिल्ला विकास समितिको पहिलो सभापतिमा निर्वाचित उपाध्याय विद्यार्थी जीवनकाल देखि नै राजनीतिमा सक्रिय थिए । डोटीको बोगटान फुड्सील गाउँपालिका वडा नं. ७ खत्याडी निवासी नेता उपाध्यायका पत्नी र तीन छोरा छन् ।

Related News

अपाङ्ग अधिकार मञ्च नेपालको अध्यक्षमा शारदा विष्ट
अपाङ्ग अधिकार मञ्च नेपालको अध्यक्षमा शारदा विष्ट
  • २०७७ मंसिर ४

दिपायल – अपाङ्गका सवालमा काम गर्दै आइरहेको संस्था अपाङ्ग अधिकार...

TOP