२०७८ श्रावण १७, आईतवार
August 1, 2021, Sunday

स्कुल चलाउदै स्कुल अफ डेमोक्रेसी

काठमाडौं- एक दशकदेखि लोकतान्त्रिक अभियान संचालन गर्दै आइरहेको स्कुल अफ डेमोक्रेसीले छोटो अवधिका स्कुल संचालनमा ल्याएको छ ।

प्रथम जन–निर्वाचित प्रधानमन्त्री बीपी कोइरालाको जन्मजयन्तीको अवसर पारेर डेमोक्रेसी स्कुल संचालनमा ल्याइएको हो । बुधबारदेखि संचालित ‘वइव स्कुल अन डेमोक्रेसी’ भोलिसम्म संचालन हुने जनाइएको छ ।

स्कुलमा प्रजातान्त्रिक समाजवाद, बीपी विचार र अबको राजनीतिका विषयमा प्रशिक्षण भइरहेको छ । देश–विदेशबाट करिव एक सय जना सहभागी रहेको तीनदिने स्कुलमा समाजवादी चिन्तक प्रदिप गिरी, प्राध्यापक डाक्टर कृष्ण खनाल र संबिधानविद् डाक्टर बिपीन अधिकारीले प्रशिक्षण दिइरहनुभएको छ ।

लोकतन्त्रका अवधारणा, अभ्यास लगायत समाजवादी ब्यवस्थाका विषयमा जनस्तरसम्म बहस चलाउने नीति अनुसार छोटो अवधिका स्कुल संचालन गरिएको स्कुल अफ डेमोक्रेसीका अध्यक्ष नैनसिंह महरले जानकारी दिए । महरका अनुसार लोकतान्त्रिक मुल्य, मान्यता र पद्धतीका विषयमा व्यापक सचेतना भए मात्रै व्यवस्था प्रवद्र्धन हुने ठहर गर्दै तीनदिने, सात दिने, पन्ध्र दिने, एक महिने तथा तीन महिने अवधिका स्कुल संचालन गरिने भएको हो ।

नीति निर्माणमा युवाको क्षमता अभिबृद्धिका लागि यसअघि समाज, युवा र राजनीति विषयक चरणबद्ध बहसको थालनी गरेको स्कुल अफ डेमोक्रेसीले नीतिगत साक्षरताका अन्य कार्यक्रम पनि संचालन गर्ने जनाएको छ । संगठनात्मक रुपमा जिल्ला, प्रदेश तथा विदेशमा समेत इकाइ विस्तार गरिसकेको स्कुल अफ डेमोक्रेसी थिंक ट्यांक संस्थाका रुपमा चिनिन्छ ।

जहाँ सिक्न र सिकाउँन पाइन्छ भन्ने मुलमन्त्र रहेको स्कुल अफ डेमोक्रेसीले लोकतान्त्रिक धार र आचरणलाई केन्द्रमा राखेर कार्यक्रम संचालन गरिरहेको एक सदस्यले जानकारी दिए । लोकतन्त्रवादीहरु आवद्ध रहेको यस संस्थाले नेपाली कांग्रेसलाई समेत नीति निर्माणका सन्दर्भमा सहयोग गरिरहेको ती सदस्यले जानकारी दिए ।

‘देश विदेशमा रहेका तथा पेसागत बिबिधताका धेरै मानिस एकै ठाउँमा भएको स्कुल अफ डेमोक्रेसी पहिलो संस्था होला’ स्कुल अफ डेमोक्रेसीका अमेरिका संयोजक सूर्य लम्सालले भने ‘लोकतन्त्र र समाजवाद हाम्रो बटमलाइन भएकाले यसमा निरन्तर गम्भीर बहस चलाउँछौं ।’

Related News

प्रेम आलेसहित ओली समूहका सांसदले दिए देउवालाई विश्वासको मत
प्रेम आलेसहित ओली समूहका सांसदले दिए देउवालाई विश्वासको मत
  • २०७७ भाद्र २५

काठमाडौं : नेकपा (एमाले) अध्यक्ष केपी ओली समूहका केही सांसदले कांग्रेस सभापति एवम् प्रधानमन्त्री शेरबहादुर देउवालाई विश्वासको मत दिएका छन्...

प्रधानमन्त्री देउवाले पाए विश्वासको मत, पक्षमा १६५ विपक्षमा ८३
प्रधानमन्त्री देउवाले पाए विश्वासको मत, पक्षमा १६५ विपक्षमा ८३
  • २०७७ भाद्र २५

काठमाडौं– प्रधानमन्त्री शेरबहादुर देउवाले संसद्मा विश्वासको मत पाएका छन्। प्रतिनिधिसभाको आइतबार बसेको दोस्रो बैठकमा देउवाले संसदमा रहेका कुल सांसद संख्याको १६५ मत...

प्रधानमन्त्री देउवाले बहुमतले विश्वासको मत पाउने पक्का, यस्तो छ अंकगणित
प्रधानमन्त्री देउवाले बहुमतले विश्वासको मत पाउने पक्का, यस्तो छ अंकगणित
  • २०७७ भाद्र २५

काठमाडौं– जनता समाजवादी पार्टी (जसपां) नेपालका अध्यक्ष महन्थ ठाकुर पक्षले पनि विश्वासको मत दिने भएपछि प्रधानमन्त्री शेरबहादुर देउवाले विश्वासको मत...

TOP